កញ្ញា ស៊ូ គឹមឡេង ចៅសង្កាត់រង រៀបចំប្រជុំ ក្រុមប្រឹក្សាសង្កាត់ប្រចាំខែកុម្ភះ
29-February-2016 | ដោយ មែន កំសត់
ភ្នំពេញ៖ នៅថ្ងៃទី២៩ ខែកុម្ភះ ឆ្នាំ២០១៦ វេលាម៉ោង៨និង៣០នាទីព្រឹក បានរៀបចំកិច្ចប្រជុំ ប្រចាំ ខែកុម្ភៈ របស់ក្រុមប្រឹក្សា នៅលាលា សង្កាត់ មនោរម្យ ខណ្ឌ ៧មករា រាជធានី ភ្នំពេញ។
កិច្ចប្រជុំមាន វត្តមាន ចូលរួមពីសមាជិកក្រុមប្រឹក្សាសង្កាត់ មេភូមិ នាយប៉ុស្តិ៍ សង្កាត់ សរុបប្រមាណ ៣០នាក់ស្រី១៧នាក់ ស្ថិតក្រោមអធិបតីភាព កញ្ញា ស៊ូ គឹមឡេង ចៅសង្កាត់រងទី១ និជាប្រធានអង្គប្រជុំ។កិច្ចប្រជុំដំណើរការយ៉ាងរលូនតាមរបៀបវារៈ រួមមាន៖ ពិនិត្យ និងអនុម័តកំណត់ហេតុខែមករា ឆ្នាំ២០១៦ ពិនិត្យ និងអនុម័តរបាយការណ៍ប្រចាំខែកុម្ភះ ឆ្នាំ២០១៦ និង បញ្ហាផ្សេងៗមួយចំនួនផងដែរ។
នាឱកាសនោះ បន្ទាប់ពី ស្ដាប់ របាយការណ៍របស់ រដ្ឋបាលសង្កាត់ ដែលបានលើកឡើងនូវបញ្ហាប្រឈម និងតម្រូវការនានា របស់មូលដ្ឋានរួចមក កញ្ញា ស៊ូ គឹមឡេង ចៅសង្កាត់រងទី១ តំណាង ប្រធានក្រុមប្រឹក្សាសង្កាត់ និងជាចៅសង្កាត់ស្ដីទី បានមានមតិបញ្ជាក់និងសំណេះសំណាលទៅកាន់សមាជិក សមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់ សង្កាត់ ភូមិ ប៉ុស្តិ៍នគរបាលរដ្ឋបាល ត្រូវបន្តការយកចិត្តទុកដាក់លើ ការអនុវត្តន៍ គោលនយោបាយ ភូមិ សង្កាត់ មានសុវត្ថិភាព ការដោះស្រាយសំណូមពរ បម្រើសេវាសាធារណៈលើ លិខិតស្នាម ឯកសាររដ្ឋបាលនានាមានដូចជា៖ អត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបាន ល្អប្រសើរ។
កញ្ញាចៅសង្កាត់ស្ដីទី បានបន្តថែមទៀតថា៖សង្កាត់ត្រូវអនុវត្តន៍ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយ ជាមួយប្រជាពលរដ្ឋ ត្រូវរួសរាន់កែតម្រូវ ធ្វើជាមន្ត្រី ត្រូវដឹងសុខទុក្ខរបស់ពលរដ្ឋ ដើម្បីឲ្យស្របតាមនយោបាយរបស់ រាជរដ្ឋាភិបាល ឲ្យក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋានផងដែរ។
បន្ទាប់មកទៀត កញ្ញាចៅសង្កាត់ស្ដីទី ក៏ បានថ្លែងអំណរគុណចំពោះ សមាជិក សមាជិកា ដែលបានចំណាយពេលចូលរួមក្នុង កិច្ចប្រជុំនាឱកាសនេះ ប្រកបដោយភាពទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ1061
- ម្សិលមិញ8301
- សប្តាហ៍នេះ28841
- ខែនេះ16651
- ឆ្នាំនេះ999871
- សរុប20227317