លោក ទី លាម រៀបចំ កិច្ចប្រជុំប្រចាំខែកុម្ភៈរបស់ក្រុមប្រឹក្សាឃុំកោះទន្ទឹម
29-February-2016 | ដោយ មែន កំសត់
កំពង់ចាម៖ នាព្រឹកថ្ងៃទី ២៩ ខែកុម្ភៈ ឆ្នាំ២០១៦ នៅសាលាឃុំ កោះទន្ទឹម ស្រុកកំពង់សៀម ខេត្តកំពង់ចាម បានរៀបចំ កិច្ចប្រជុំប្រចាំ ខែ កុម្ភៈរបស់ក្រុមប្រឹក្សាឃុំ ក្រោមអធិបតីភាព លោក ទី លាម ប្រធានក្រុមប្រឹក្សាឃុំនិងជា មេឃុំ។
កិច្ចប្រជុំនេះមានការចូលរួមពី លោក លោកស្រីជា សមាជិកក្រុមប្រឹក្សា ឃុំ ប្រធានមណ្ឌលសុខភាព មេភូមិ នាយប៉ុសិ៍្ត នគរបាល និងមន្រ្តីច្រើនអ្នកទៀតផងដែរ។គូសបញ្ជាក់ផងដែរថា៖កិច្ចប្រជុំនេះដំណើរការយ៉ាងរលូន តាមរបៀបវារៈមួយចំនួន រួមមាន ៖ ពិនិត្យ និងអនុម័តកំណត់ហេតុ ខែមករា ឆ្នាំ២០១៦ ពិនិត្យ និងអនុម័ត របាយការណ៍ប្រចាំ ខែកុម្ភះ ឆ្នាំ២០១៦ និង បញ្ហាផ្សេងៗ។
នាឱកាសនោះ លោក ទី លាម ប្រធានក្រុមប្រឹក្សាឃុំ និងជាមេឃុំ បានមានមតិសំណេះសំណាល ទៅកាន់សមាជិក សមាជិកា ប្រកបដោយភាព រីករាយ និងបានថ្លែងនូវ ការកោតសរសើរ ចំពោះអាជ្ញាធរ គ្រប់លំដាប់ថ្នាក់ ដែលបានចូលរួម សហការបង្ការទប់ស្កាត់លើ បទល្មើសមិនឲ្យកើតមានស្របតាមគោលនយោបាយភូមិ ឃុំ មានសុវត្ថិភាព របស់រាជរដ្ឋាភិបាល ។
លោកក៏បានបន្ថែមទៀតថា៖ សូមគ្រប់បណ្ដាអង្គភាព ត្រូវយកចិត្តទុកដាក់លើ ការបម្រើសេវាសាធារណៈជូនប្រជាពលរដ្ឋឲ្យបាន ល្អប្រសើរ និងដោះស្រាយរាល់ភាព អសកម្មទាំងឡាយ ដើម្បីធានាបានប្រសិទ្ធភាពការងារនៅមូលដ្ឋាន ហើយបើមានសភាពការណ៍កើតឡើងត្រូវរាយការណ៍ឲ្យ បានទាន់ពេលវេលាដើម្បី សមត្ថកិច្ចងាយស្រួលអន្តរាគមន៍បង្ក្រាប ៕
ចំនួនអ្នកទស្សនា
- ថ្ងៃនេះ841
- ម្សិលមិញ8301
- សប្តាហ៍នេះ28621
- ខែនេះ16431
- ឆ្នាំនេះ999651
- សរុប20227097