អាជ្ញាធរខណ្ឌនឹងដោះស្រាយរឿងរ៉ាវ ចោទព្រះចៅអធិការវត្តគោកបញ្ជាន់ លក់ដីស្រះ៥ហិចតា នៅរសៀលនេះ
29-February-2016 | ដោយ មែន កំសត់
ភ្នំពេញ៖ រឿងរ៉ាវដែលប្រជាពលរដ្ឋ រស់នៅសង្កាត់ចោមចៅ ចោទព្រះចៅអធិការវត្តគោកបញ្ជាន់ ព្រះនាម សេង ថន លក់ដីស្រះប្រមាណ ៥ហិចតានោះ អាជ្ញាធរខណ្ឌពោធិសែនជ័យ នឹងដោះស្រាយជាផ្លូវការ នៅវេលាម៉ោង២រសៀលថ្ងៃទី២៩ ខែកុម្ភៈឆ្នាំ២០១៦នេះ។
ការដោះស្រាយបញ្ហាចំរូងចម្រាស់ មួយនេះត្រូវបាន់លោក ឃឹម ស៊ុនសូដា អភិបាលរងខណ្ឌពោធិសែនជ័យ បានទៅប្រកាសប្រាប់ ប្រជាពលរដ្ឋ ជិត១០០នាក់ នៅព្រឹកថ្ងៃនេះ ខណៈដែលប្រជាពលរដ្ឋ ជិត១០០នាក់ បានទៅស្រែកតវ៉ាសាជារថ្មី នៅក្នុងបរិវេណវត្ត មួយនេះ។
ភ្នាក់ងារ សមត្ថកិច្ចមូលដ្ឋានបានរាយការណ៍ថា៖ នៅរសៀលថ្ងៃនេះ បញ្ហាខាងលើនឹងយកទៅដោះស្រាយ មានការអញ្ជើញចូលរួម ពីថ្នាក់ដឹកនាំខណ្ឌ ព្រះចៅអធិការវត្ត និងតំណាងប្រជាពលរដ្ឋ ចំនួន១៥នាក់ ដើម្បីដោះស្រាយបញ្ចប់ កុំឲ្យនាំវែងឆ្ងាយតទៅទៀត។
សម្រាប់ការតវ៉ានៅព្រឹកថ្ងៃនេះ ប្រជាពលរដ្ឋបានតវ៉ាទាមទារ ចំណុចមួយចំនួនរួមមាន៖មិនឲ្យលក់ដីស្រះមួយនេះ គឺទុកជាគរុភ័ណ្ឌសម្រាប់វត្ត សុំបណ្តេញព្រះចៅអធិការ ចេញពីវត្តគោកបញ្ជាន់ ដោះដូរប្រធានភូមិចោមចៅចេញ ដោះស្រាយដីលក់ ហើយប្រវែង៧គុណ១០០ម៉ែត្រដោះស្រាយឈាបដ្ឋាន។
ជាមួយគ្នានេះប្រជាពលរដ្ឋ បានស្នើសុំឲ្យសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែន មេត្តាជួយអន្តរាគមន៍ ដោះស្រាយជូនដល់ពួកគាត់ឲ្យមានភាពយុត្តិធម៌៕
ចំនួនអ្នកទស្សនា
- ថ្ងៃនេះ991
- ម្សិលមិញ8301
- សប្តាហ៍នេះ28771
- ខែនេះ16581
- ឆ្នាំនេះ999801
- សរុប20227247