ក្រុមប្រឹក្សា ស្រុក ស៊ីធរកណ្ដាល រៀបចំ កិច្ចប្រជុំ វិសាមញ្ញលើកទី២២ប្រចាំខែកុម្ភៈ
01-March-2016 | ដោយ មែន កំសត់
ព្រៃវែង៖ នៅព្រឹកថ្ងៃទី ២៩ កុម្ភៈ ២០១៦ បានរៀបចំ កិច្ចប្រជុំប្រចាំខែកុម្ភៈ វិសាមញ្ញលើកទី២២ អាណត្តិទី២របស់ក្រុមប្រឹក្សាស្រុក នៅសាលាស្រុកស៊ីធរកណ្ដាល ខេត្តព្រៃវែង។
កិច្ច ប្រជុំ មានការអញ្ជើញចូលរួមពី លោកម៉ននី បណ្ឌិត អភិបាលនៃគណៈអភិបាលស្រុក សមាកជិកក្រុមប្រឹក្សាស្រុក កងកម្លាំងទាំងបី លោកប្រធាន អនុប្រធាន ការិយាល័យជំវិញស្រុក លោក ប្រធានក្រុមប្រឹក្សាឃុំគ្រប់ឃុំ ទីប្រឹក្សាស្រុក មន្ត្រីរដ្ឋបាលស្រុកសរុប ៥០ នាក់ ស្រី០៨នាក់ក្រោម អធិបតីភាព លោក ស៊ាង ប៊ុ ន្ថា ប្រធានក្រុមប្រឹក្សាស្រុក។
កិច្ចប្រជុំដំណើរការដោយរលូនតាម របៀបវារៈ មានដូច ជា៖- ឆ្លង និង អនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២០ (២៩-០១-២០១៦) របស់ក្រុមប្រឹក្សា ស្រុកអាណត្តិទី២ -ពិនិត្យ និង អនុម័តសេចក្តីព្រាងរបាយការណ៍បូកសរុបលទ្ធផលការងារប្រចាំខែ កុម្ភះ ឆ្នាំ២០១៦ របស់រដ្ឋបាលនិងបញ្ហា បញ្ហាផ្សេងៗផងដែរ។
បន្ទាប់ពីស្ដាប់ របាយការណ៍របស់ រដ្ឋបាលសាលាស្រុកបានលើកឡើងអំពីសកម្មភាពរយ់ពេល១ខែ និង បញ្ហាប្រឈម តម្រូវការរបស់ មូលដ្ឋានរួចមក នាឱកាសនោះ លោកស៊ាង ប៊ុ ន្ថា ប្រធានក្រុមប្រឹក្សាស្រុក បានមានមតិបញ្ជាក់និងសំណេះសំណាលទៅកាន់សមាជិក សមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់ស្រុក ឃុំ ភូមិ ប៉ុស្តិ៍នគរបាលរដ្ឋបាលត្រូវបន្តការយកចិត្តទុកដាក់លើការអនុវត្តន៍ គោលនយោបាយភូមិសង្កាត់មានសុវត្ថិភាព ការដោះស្រាយសំណូមពរ បម្រើសេវាសាធារណៈលើលិខិតស្នាម ឯកសាររដ្ឋបាលនានាមានអត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបានល្ងប្រសើរ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយជាមួយប្រជាពលរដ្ឋត្រូវរួសរាន់កែតម្រូវ ធ្វើជាមន្ត្រីដឹងសុខទុក្ខពលរដ្ឋ ដើម្បីឲ្យស្របតាមនយោបាយរបស់រាជរដ្ឋាភិបាល ឲ្យបានក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋាន។
បន្ទាប់មក លោកម៉ននី បណ្ឌិត អភិបាលនៃគណៈអភិបាលស្រុក ក៏បានជម្រុញឲ្យមន្ត្រីសាលាស្រុក និងថ្នាក់ឃុំ ត្រូវបន្ត កិច្ចសហការផ្សព្វផ្សាយច្បាប់កម្រៃសេវាឲ្យបានទូលាយនិងអនុវត្តន៍ឲ្យ បានត្រឹមត្រូវតាមច្បាប់ជៀសវាងការប្រព្រឹត្តល្មើស លោកអភិបាលស្រុក ក៏បានបន្តស្នើដល់សមត្ថកិច្ចនិងឃុំ ត្រូវ យកចិត្តទុកដាក់លើការងារសន្តិសុខសណ្ដាប់ធ្នាប់ឲ្យបានល្ងប្រសើរនិង មានផែនការសកម្មភាពចុះពិនិត្យតាមដានការងារប្រកបដោយប្រសិទ្ធភាពខ្ពស់ និងដោះស្រាយរាល់បញ្ហាប្រឈមឲ្យបានទាន់ពេលវេលាដើម្បីសុវត្ថិភាពនៅ មូលដ្ឋាន៕
ចំនួនអ្នកទស្សនា
- ថ្ងៃនេះ1611
- ម្សិលមិញ8301
- សប្តាហ៍នេះ29391
- ខែនេះ17201
- ឆ្នាំនេះ1000421
- សរុប20227867