គណៈបញ្ជាការឯកភាពរដ្ឋបាលសង្កាត់ព្រែកលៀប បើកកិច្ចប្រជុំប្រចាំខែកុម្ភៈ
01-March-2016 | ដោយ មែន កំសត់
ភ្នំពេញ៖ នាព្រឹកថ្ងៃទី២៩ ខែកុម្ភៈ ឆ្នាំ២០១៦នេះ នៅសាលាសង្កាត់ព្រែកលៀប មានរៀបចំបើកកិច្ចប្រជុំគណៈបញ្ជាការឯកភាពរដ្ឋបាលសង្កាត់ ប្រចាំខែកុម្ភៈ ឆ្នាំ២០១៦ និងទិសដៅខែបន្ទាប់ ក្រោមអធិបតីភាព លោក ព្រាប មុនី ប្រធានគណៈបញ្ជាការឯកភាពសង្កាត់ និងជាចៅសង្កាត់។
កិច្ចប្រជុំមានការអញ្ជើញចូលរួមពី លោក លោកស្រី សមាជិក សមាជិកាក្រុមប្រឹក្សាសង្កាត់ លោកនាយ-នាយរងនគរបាលប៉ុស្តិ៍រដ្ឋបាលសង្កាត់ នគរបាលមណ្ឌល លោក លោកស្រី មេភូមិ អនុប្រធានភូមិ ប្រជាការពារ មន្ត្រីសង្កាត់ យុវជន និងតំណាងផ្សារ សរុបចំនួន ២៥នាក់។
កិច្ចប្រជុំផ្តោតលើរបៀបវារៈសំខាន់ៗរូមមាន ៖ រៀបចំបើកយុទ្ធនាការរយៈពេល ៣ថ្ងៃ ចុះតាមភូមិនីមួយៗ ដើម្បីស្រង់ស្ថិតិគ្រួសារដែលមិនទាន់បានមកធ្វើសៀវភៅស្នាក់នៅ(ក២)ថ្មី និងស្រង់ស្ថិតិប្រជាពលរដ្ឋដែលមិនទាន់បានធ្វើអត្តសញ្ញាប័ណ្ណ ការងារអនុវត្តគោលនយោបាយភូមិ-សង្កាត់មានសុវត្ថិភាព ដូចជា៖ ការបង្ក្រាបល្បែងស៊ីសង ការជួញដូរ និងប្រើប្រាស់គ្រឿងញៀន និងការបង្ក្រាបបទល្មើសផ្សេងៗ-ការងារត្រៀមចូលរួមក្នុងពិធីអបអរសាទរទិវាសិទ្ធិនារីអន្តរជាតិ ថ្ងៃ ០៨-មីនា-២០១៦និងពិភាក្សាការងារ ផ្សេងៗមួយចំនួនទៀតផងដែរ។
នាឱកាសនោះ លោក ព្រាប មុនី ប្រធានគណៈបញ្ជាការឯកភាពសង្កាត់ និងជាចៅសង្កាត់បានមានមតិសំណេះសំណាលទៅកាន់អង្គប្រជុំប្រកបដោយភាពរីករាយ ហើយលោកក៏បានស្នើ ឲ្យ ក្រុមប្រឹក្សាសង្កាត់ ភូមិ ត្រូវបន្តការយកចិត្ត ទុកដាក់សហការជាមួយប៉ុស្តិ៍នគរបាលលើការងារសន្តិសុខសណ្ដាប់ធ្នាប់ និងដោះស្រាយនូវរាល់សំណូមពរជូនប្រជាពលរដ្ឋឲ្យបានល្អប្រសើរ ដើម្បីចូលរួមកាត់បន្ថយភាពក្រីក្រនៅមូលដ្ឋាន៕
ចំនួនអ្នកទស្សនា
- ថ្ងៃនេះ801
- ម្សិលមិញ8301
- សប្តាហ៍នេះ28581
- ខែនេះ16391
- ឆ្នាំនេះ999611
- សរុប20227057