ស្រុកស៊ីធរកណ្តាលរៀបចំពិធីអបអរសាទរ ខួបទី១០៥ ទិវាសិទ្ធិនារីអន្តរជាតិ ឆ្នាំ២០១៦
01-March-2016 | ដោយ មែន កំសត់
ព្រៃវែង៖នៅព្រឹកថ្ងៃទី ០១ខែ មីនា ឆ្នាំ ២០១៦បាន រៀបចំពិធីអបអរសាទរ ខួបទី១០៥ ទិវាសិទ្ធិនារីអន្តរជាតិ ឆ្នាំ២០១៦នៅសាលាស្រុកស៊ីធរកណ្ដាល ខេត្រព្រៃវែង។
ពិធីអបអរនេះ មានការអញ្ជើញចូលរួមពីសំណាក់ សមាជិកក្រុមប្រឹក្សាស្រុកជាស្រី្ត មន្ត្រីការិយាល័យ មន្រី្តសាលាស្រុក អ្នកទទួលបន្ទុកកិច្ចការនារី និងកុមារឃុំ នារីថ្នាក់ដឹកនាំភូមិក្នុងស្រុក សរុប១៥០នាក់ ក្រោមអធិបតីភាព លោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្តាល និង លោកស្រី គង់ សាឡន ប្រធានមន្ទីរកិច្ចការនារី ខេត្តព្រៃវែង ។
នាឱកាសនោះលោកស្រី គង់ សាឡន ប្រធានមន្ទីរកិច្ចការនារី ខេត្តព្រៃវែង បានមានមតិសំដែងនិងថ្លែងនូវការអរគុណចំពោះថ្នាក់ដឹកនាំគ្រប់លំដាប់ថ្នាក់ដែលបានយកចិត្តទុកដាក់លើកាងារស្ត្រី និងកុមារ ដែលជាជនងាយរងគ្រោះ លោកស្រីក៏បានបន្តទៀតដែរថា ៖ ត្បិតតែសង្គមមានការអភិវឌ្ឍន៍ក៏មានការចូលរួមពីស្ត្រីគ្រប់សកម្មភាពរូបភាព ហើយក្រសួងកិច្ចការនារីក្រសួងផែនការ ក្រសួងមហាផ្ទៃក៏បានដាក់បញ្ហាការងារស្ត្រី និងកុមារជាបញ្ហាអាទិភាពនិងចម្បងក្នុងយុទ្ធសាស្ត្ររបស់រាជរដ្ឋាភិបាល ហើយនាពេលខាងមុខនឹងរៀបចំគោលនយោបាយឲ្យស្ត្រីចូលរួម លើកិច្ចការអភិវឌ្ឍន៍ប្រកបដោយភាពសមធម៌និងចីរកាល និងស្ដ្រីអាចក្លាយជាអ្នកដឹកនាំដ៏ប្រពៃដោយអាចធ្វើជា រដ្ឋមន្ត្រី អភិបាលស្រុក មេឃុំ ក្រុមប្រឹក្សា ដូចបុរស ដូចនេះស្នើអាជ្ញាធរ បន្តនិងជម្រុញ ផ្សព្វផ្សាយការងារស្ដ្រី ឲ្យបានទូលាយ និងមិនមានការរើសអើង ទប់ស្កាត់លើការហឹង្សា ជួញដួរ គ្រប់ប្រភេទនិង ជម្រុញក្នុងការបង្កើនមុខរបរជំនាញ ដូចជា កាត់សក់ អ៊ុតសក់ កាត់ដេរ និងទប់ស្កាត់លើការចំណាកស្រុកក្រៅប្រទេសខុសច្បាប់ ។
បន្ទាប់មកលោក ម៉ននី បណ្ឌិត អភិបាលនៃគណៈអភិបាលស្រុកស៊ីធរកណ្តាលបានមបន្ថែមដែរថា ៖សង្គមមិនអាចខ្វះស្ត្រីបានទេ ព្រោះស្ត្រីជាមាតានៃពិភពលោក ត្បិតតែស្ដ្រីមានការយល់ដឹង នៅមានកម្រិត ដូចនេះស្នើដល់ជនបង្គោលស្ដ្រីគ្រប់សមាសភាពត្រូវបង្កើនការផ្សព្វផ្សាយ ដល់ស្ត្រីគ្រប់រូប បុរសគ្រប់រូប ឲ្យចូលរួមលើកកំពស់ យេនឌ័រ ដើម្បីកិច្ចអភិវឌ្ឍន៍ ប្រកបដោយចីរភាព សមធម៌ សីលធម៌ ភាពថ្លៃថ្នូរ ហើយក្នុងនោះគណៈកម្មាធិការ (គសប គកនក)ស្រុកឃុំ ត្រូវរៀបចំផែនការប្រជុំឲ្យបានទៀងទាត់ដើម្បីពិនិត្យមើលវឌ្ឍនភាពការងារ និងដោះស្រាយរាល់បញ្ហាប្រឈម នានា បញ្ចូលក្នុងផែនការវិនិយោគស្រុក ឃុំ មានដូចជា៖ ការងារសុខភាព អានាម័យ កាងារអប់រំ ការងារផ្សព្វផ្សាយបញ្ច្រាបយេនឌ័រ ការធ្វើចំណាកស្រុក និងរើសគូស្រករនៅក្រៅប្រទេសជាដើម និងជម្រុញការចុះអត្រានុកូលដ្ឋាន ដល់ទារក លោកក៏បានបន្តទៀតផងដែរថា បើសង្គមគ្មានស្ត្រីក៏មិនអាចអភិវឌ្ឍន៍ បានដែរ ហើយបើយើងមើលងាយស្ត្រីដូចមើលងាយម្ដាយយើងដែរ ។ចុងបញ្ចប់លោកស្រីប្រធានកិច្ចការនារីខេត្ត និងលោកអភិបាលស្រុកក៏បានថ្លែងអំណរគុណ ចំពោះគ្រប់ជនបង្គោលស្រី្តក្នុងមូលដ្ឋានដែលចំណាយពេលចូលរួមកិច្ចប្រជុំការងារស្ត្រី និងអបអរសាទរខួបលើកទី១០៥សិទ្ធិនារីអន្តរជាតិ ៨ មីនា នាពេលខងមុខ និងសូមជូនពរសមប្រកបតែសេចក្ដីសុខគ្រប់ប្រការ៕
ចំនួនអ្នកទស្សនា
- ថ្ងៃនេះ811
- ម្សិលមិញ8301
- សប្តាហ៍នេះ28591
- ខែនេះ16401
- ឆ្នាំនេះ999621
- សរុប20227067