ស្នងការនគរបាលខេត្តកំពង់ចាមផ្សព្វផ្សាយកិច្ចប្រជុំស្តីពី ស្មារតីសន្និបាតក្រសួងមហាផ្ទៃ
02-March-2016 | ដោយ មែន កំសត់
កំពង់ចាម៖ នាព្រឹកថ្ងៃទី០១ ខែមីនា ឆ្នាំ២០១៦ នៅសាលប្រជុំធំនៃស្នងការនគរបាលខេត្តកំពង់ចាម មានកិច្ចប្រជុំស្តីពី ការផ្សព្វផ្សាយស្មារតីសន្និបាតក្រសួងមហាផ្ទៃ និងត្រួតពិនិត្យការត្រៀមលក្ខណៈសម្បត្តិ ការពារបុណ្យទន្លេខេត្តកំពង់ចាម ក្រោមអធិបតីភាពលោកឧត្តមសេនីយ៍ទោ បែន រ័ត្ន ស្នងការនៃស្នងការដ្ឋានខេត្តកំពង់ចាម។
កិច្ចប្រជុំសមាសភាពចូលរួមពី លោក-លោកស្រីស្នងការរង អនុកណ្តាល និងផែននាយការិយាល័យទាំងអស់ នាយរងការិយាល័យចំណុះផែនព្រហ្មទណ្ឌ ប្រឆាំងបទល្មើស ប្រឆាំងការជួញដូរ សន្តិសុខ ប្រឆាំងភេរវកម្ម ចរាចរគោក សណ្តាប់ធ្នាប់ វិទ្យុទាក់ទង អត្តសញ្ញាណកម្ម អន្តោប្រវេសន៍ លោកអធិការ-អធិការរង ព្រហ្មទណ្ឌ សណ្តាប់ធ្នាប់ សន្តិសុខ អត្តសញ្ញាណកម្ម សរុបចំនួន ១៨៧នាក់ ។
អង្គប្រជុំពិភាក្សាតាមរបៀបវារៈរួមមាន៖១. ផ្សព្វផ្សាយស្មារតីសន្និបាតក្រសួងមហាផ្ទៃ ២. ស្តាប់បទអន្តរាគមន៍របស់ឯកឧត្តមនាយឧត្តមសេនីយ៍អគ្គស្នងការនគរបាលជាតិ ថ្លែងក្នុងឱកាសសន្និបាតក្រសួង ៣. ត្រួតពិនិត្យលទ្ធផល ការត្រៀមលក្ខណៈសម្បត្តិការពារបុណ្យទន្លេ។
នាឱកាសនោះលោក ស្នងការរងទទួលផែនសេនាធិការបានលើកឡើងថា៖ក្នុងកម្មវិធីផ្សព្វផ្សាយស្មារតីសន្និបាតក្រសួងមហាផ្ទៃ យើងខ្ញុំបញ្ចាំងស្លាយមតិដឹកនាំរបស់ឯកឩត្តម អគ្គស្នងការផ្ទាល់តែម្តង មានរយៈពេល៤៦នាទី ជូន គណៈស្នងការ នាយ-នាយរងការិយាល័យ អធិការ-អធិការរង ទាំងអស់ និងនាយប៉ុស្តិ៍ជុំវិញខេត្ត បានត្រងត្រាប់ និងកត់ត្រាយកទៅផ្សព្វផ្សាយបន្ត និងអនុវត្ត ។
បន្ទាប់លោកឧត្តមសេនីយ៍ទោ បែន រ័ត្ន ស្នងការបានលើកឡើងពីការធ្វើទិនានុលេខ ឆ្នាំ២០១៦ ដោយក្នុងសៀវភៅនោះមានជំនួយស្មារតីច្បាប់ជាច្រើនដូចជា៖ ច្បាប់ចរាចរណ៍ផ្លូវគោក, ច្បាប់ក្រមព្រហ្មទណ្ឌ, ច្បាប់ជួញដូរមនុស្ស, ច្បាប់គ្រឿងញៀន, ច្បាប់ប្រើប្រាស់អាវុធ និងច្បាប់ស្តីពីសញ្ជាតិ ដោយសម្រិតសម្រាំងយកមាត្រាសំខាន់ៗ ដែលជាជំនួយដល់ការងារប្រចាំថ្ងៃរបស់មន្ត្រីនគរបាលយើង។
ជាចុងក្រោយលោកក៏បានបង្ហាញស្លាយផែនទីពន្យល់ពីតំបន់ត្រូវការពារត្រូវបែងចែកជា ៤គឺ៖
តំបន់ A B C D ដែលប្រើប្រាស់កំលាំងរួមចំនួន ៩១៣នាក់ ដល់អង្គពិធីទាំងមូលដើម្បីត្រៀមរៀបចំការពារបុណ្យទន្លេ នៅថ្ងៃ១១,១២,១៣ ខែមីនា ឆ្នាំ២០១៦ ខាងមុខនេះ ដើម្បីអោយផែនការបានដំណើរការរលូនដូចការគ្រោងទុក ៕
ចំនួនអ្នកទស្សនា
- ថ្ងៃនេះ761
- ម្សិលមិញ8301
- សប្តាហ៍នេះ28541
- ខែនេះ16351
- ឆ្នាំនេះ999571
- សរុប20227017