ខណ្ឌជ្រោយចង្វារ បានទទួលអំណោយដ៏ថ្លៃថ្លាពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
02-March-2016 | ដោយ មែន កំសត់
ភ្នំពេញ៖ ព្រឹកថ្ងៃទី០២ខែកុម្ភៈឆ្នាំ២០១៦នេះ អនុសាខាកាកបាទក្រហមកម្ពុជាខណ្ឌជ្រោយចង្វារ បានទទួលអំណោយដ៏ថ្លៃថ្លាពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្រាប់ទុកចែកជូនប្រជាពលរដ្ឋក្រីក្រងាយរងគ្រោះ ក្នុងខណ្ឌ ជ្រោយចង្វារ សរុបចំនួន ៣០០ឈុត ក្នុងនោះរួមមាន៖-អង្ករ ៣០០កញ្ចប់ (មួយកញ្ចប់=៣០គ.ក្រ) មីយើង ៣០០កេស ត្រីខកំប៉ុង ៣០កេស (មួយកេស=១០០ កំប៉ុង ) ឃីត ៣០០ (មួយឃីតមាន មុង១, ភួយ១, សារុង១ និងក្រមា១)។
គួររំលឹកផងដែរថា ចាប់តាំងពីសាលាខណ្ឌជ្រោយចង្វារ ដំណើរការការងាររដ្ឋបាលរបស់ខ្លួនជាផ្លូវការរហូតមកដល់ថ្ងៃនេះ អនុសាខាកាកបាទក្រហមកម្ពុជាខណ្ឌ បានទទួលអំណោយពីសម្តេចកិត្តិព្រឹទ្ធបណ្ឌិត បានចំនួន ៣លើក សរុបទាំងពេលនេះផងដែរ ដែលលើកទី១ នៅថ្ងៃទី៤ ខែមីនា ឆ្នាំ២០១៥ ទទួលបានអំណោយចំនួន ៣០០ឈុត លើកទី២ នៅថ្ងៃទី២ ខែមិថុនា ឆ្នាំ២០១៥ ទទួលបានអំណោរចំនួន ២០០ឈុត លើកទី៣ នៅថ្ងៃនេះ ទទួលបានអំណោយចំនួន ៣០០ឈុត៕
ចំនួនអ្នកទស្សនា
- ថ្ងៃនេះ681
- ម្សិលមិញ8301
- សប្តាហ៍នេះ28461
- ខែនេះ16271
- ឆ្នាំនេះ999491
- សរុប20226937