ខណ្ឌសែនសុខ រៀបចំវគ្គផ្សព្វផ្សាយយន្តការ និង ការរាយការណ៍ បញ្ជូនករណីគ្រោះថ្នាក់ ដល់កុមារ
02-March-2016 | ដោយ មែន កំសត់
ភ្នំពេញ៖ នៅ ព្រឹក ថ្ងៃទី០២ ខែមីនា ឆ្នាំ ២០១៦ រដ្ឋបាល ខណ្ឌសែនសុខ មាន រៀបចំវគ្គផ្សព្វផ្សាយយន្តការ និង ការរាយការណ៍ បញ្ជូនករណីគ្រោះថ្នាក់ ដល់កុមារ ក្រោមកិច្ចសហការរបស់អង្គការទស្សនពិភពលោកប្រចាំកម្ពុជា ជាមួយនឹងមន្ទីរសង្គមកិច្ច និងអតីតយុទ្ធជនរាជធានីភ្នំពេញ ក្រោមអធិបតីភាព លោក ឡាយ ឧត្តម នាយករដ្ឋបាលខណ្ឌសែនសុខ ។
វគ្គបណ្ដុះបណ្ដាល នេះមានការចូលរួមពី លោក មន្ត្រីសាលា ខណ្ឌ អធិការនគរបាលខណ្ឌ អាវុធហត្ថខណ្ឌ ក្រុមប្រឹក្សាសង្កាត់ និងប៉ុស្តិ៍នគរបាលរដ្ឋបាល។
ក្រោយពីស្ដាប់ របាយការណ៍ របស់សាលា ខណ្ឌ ដែលបានលើកឡើងដោយលោក ឡាយ ឧត្តម នាយករដ្ឋបាលខណ្ឌ សែនសុខ ជុំវិញ វគ្គបណ្ដុះបណ្ដាលមន្ត្រី មន្ទីរសង្គមកិច្ច និងអតីតយុទ្ធជន បានធ្វើការបកស្រាយនិងឧទ្ទេសនាម ខ្លឹមសារច្បាប់ បទដ្ឋាន និងគម្រោង ការ រាយការណ៍ ការបញ្ជូនករណីគ្រោះថ្នាក់ ដល់កុមារ ក្រោមកិច្ចសហការរបស់អង្គការទស្សនពិភពលោកប្រចាំកម្ពុជា ហើយ មន្ទីរសង្គមកិច្ចក៏បានស្នើសូមយ៉ាងទទូចដល់ ថ្នាក់ខណ្ឌ សង្កាត់ និងនគរបាលគ្រប់លំដាប់ថ្នាក់មេត្តា បង្កើនកិច្ចសហការផ្សព្វផ្សាយ និងច្បាប់គាំពារ កុមារ ពលកម្មកុមារ ការ ជួញដូរ ផ្សេងៗ ហើយបើមានគ្រោះថ្នាក់ ដល់កុមារត្រូវរាយការណ៍ជាបន្ទាន់ដើម្បី យើងធ្វើការសង្គ្រោះបានទាន់ពេល៕
ចំនួនអ្នកទស្សនា
- ថ្ងៃនេះ991
- ម្សិលមិញ8301
- សប្តាហ៍នេះ28771
- ខែនេះ16581
- ឆ្នាំនេះ999801
- សរុប20227247