លោក នុត ពុធដារ៉ាពិនិត្យមើលផ្លូវបេតុង និង សំណេះសំណាលប្រជាពលរដ្ឋ
03-March-2016 | ដោយ មែន កំសត់
ភ្នំពេញ៖ នៅ ព្រឹកថ្ងៃ ទី ០៣ ខែ មីនា ឆ្នាំ ២០១៦ លោក នុត ពុធដារ៉ា អភិបាល នៃគណៈអភិបាលខណ្ឌដង្កោ បានដឹកនាំមន្ត្រីរាជការ សាលាខណ្ឌ សង្កាត់ ចុះពិនិត្យមើលផ្លូវបេតុង០១ខ្សែ ដែលទើបស្ថាបនារួច និងជួប សំណេះសំណាល សួរ សុខទុក្ខ បងប្អូន ប្រជាពលរដ្ឋ ក្នុងភូមិតាឡី សង្កាត់ ដង្កោ ខណ្ឌដង្កោ រាជធានី ភ្នំពេញ។
នាឱកាសនោះដែរ៖ ក្រៅពីការ ចុះពិនិត្យមើលផ្លូវបេតុង០១ខ្សែ ដែលទើបស្ថាបនារួច លោក នុត ពុធដារ៉ា និង មន្ត្រីរាជការ សាលាខណ្ឌ សង្កាត់ បានមានមតិ សំណេះសំណាលសួរសុខទុក្ខទៅកាន់ បងប្អូន ប្រជាពលរដ្ឋ ប្រកប ដោយ ភាព កក់ក្ដៅ និងស្និទ្ធស្នាលបំផុត លើសពីនោះទៅទៀត លោកអភិបាល ក៏បានបន្ថែមផងដែរថា៖ «យើងមានផ្លូវបេតុងស្អាត ល្អ ជាច្រើនខ្សែ នៅពេលនេះ ដោយសារមាន សុខសន្តិភាព ស្ថេរភាពនយោបាយ របស់រាជរដ្ឋាភិបាល ដែលមាន សម្ដេចតេជោ ហ៊ុន សែន ជាប្រមុខដឹកនាំ»។
គួរបញ្ជាក់ថា៖ ផ្លូវបេតុង០១ខ្សែ ស្ថិតក្នុង ភូមិ តាឡី សង្កាត់ ដង្កោ ដែលបានចុះពិនិត្យនាឱកាសនេះ ជាផ្លូវបេតុងឆ្អឹងដែក ទទឹង ០៤ ម៉ែត្រ ប្រវែង ១៨៧,៥ម៉ែត្រ ជាគម្រោងថវិការបស់ រដ្ឋបាលខណ្ឌ ឆ្នាំ២០១៥។ ដោយឡែកសម្រាប់ សង្កាត់ដង្កោ ទាំងមូលបានទទួលផ្លូវបេតុងឆ្អឹងដែកដែលជាគម្រោងថវិការបស់ រដ្ឋបាលខណ្ឌឆ្នាំ ២០១៥ បានចំនួន ០៣ខ្សែ ដោយ០១ខ្សែស្ថិតក្នុង ភូមិសំបួរ ប្រវែង ៣០១,២៥ម៉ែត្រ ទទឹង ៥ម៉ែត្រ, ០១ខ្សែទៀត ស្ថិតក្នុងភូមិម័ល ប្រវែង ២០០ម៉ែត្រ ទទឹង ០៤ម៉ែត្រ និង០១ខ្សែ ស្ថិតក្នុង ភូមិតាឡី ដែលបាន ចុះពិនិត្យនាព្រឹកនេះ៕
ចំនួនអ្នកទស្សនា
- ថ្ងៃនេះ461
- ម្សិលមិញ8301
- សប្តាហ៍នេះ28241
- ខែនេះ16051
- ឆ្នាំនេះ999271
- សរុប20226717