លោក កែវ សាវឿនប្រារព្ធ ពិធី អបអរសាទរ ទិវាសិទ្ធិនារីអន្តរជាតិ
03-March-2016 | ដោយ មែន កំសត់
ភ្នំពេញ៖ នៅសៀលថ្ងៃ ទី០២ ខែមីនា ឆ្នាំ២០១៦ បានប្រារព្ធ ពិធីសំណះសំណាលជាមួយមន្ត្រីបង្គោល នារី ក្នុង សង្កាត់ ភូមិ អបអរសាទរ ទិវាសិទ្ធិនារីអន្តរជាតិ ៨មីនា នៅសាលាសង្កាត់ ចាក់អង្រែលើ ខណ្ឌមានជ័យ រាជធានី ភ្នំពេញ ។
ពិធិសំណេះសំណាលនេះមានវត្តមានចូលរួមពី ការិយាល័យកិច្ចការនារី ខណ្ឌ សមាជិកក្រុមប្រឹក្សា សង្កាត់ ថ្នាក់ដឹក នាំភូមិ ជានារី មេភូមិ អនុភូមិ ស្ថិត ក្រោមអធិបតីភាព លោក កែវ សាវឿន ចៅសង្កាត់ ចាក់អង្រែលើ ។
នៅក្នុង ឱកាស ដ៏វិសេស វិសាលនោះ ផងដែរ លោក កែវ សាវឿន បានសម្ដែងនូវក្ដីរីករាយ និងថ្លែងអណរគុណចំពោះ បងប្អូនជានារីដែលបានចូលរួម ដើម្បីអបអរសាទរ ទិវាសិទ្ធិនារីអន្តរជាតិ ៨មីនា ខាងមុខនេះ ហើយ លោក ចៅសង្កាត់ ក៏បានស្នើ ដល់ជនបង្គោលនារី គ្រប់លំដាប់ថ្នាក់ ត្រូវបន្តយកចិត្ត ក្នុងការ ការពារសិទ្ធិស្របច្បាប់ របស់នារី និងការគាំពារ ទប់ស្កាត់ការជួញដូរ ការចំណាកស្រុក ខុសច្បាប់ និង ការអប់រំ សុខភាពបន្តពូជ ការបញ្ជ្រាបយេនឌ័រ ដើម្បីឲ្យស្ដ្រីនារី មានសិទ្ធិពេញលេញក្នុង កិច្ចអភិវឌ្ឍន៍ក្នុងសង្គមជាតិ ។
ក្រៅពី ការ សំណាលសំណាល ប្រកបដោយ ភាព កក់ក្ដៅ និង រីករាយបំផុត នាពេលនោះ លោក កែវ សាវឿនបាននាំមកនូវកាដូ មួយចំនួនដូចជា៖ មន្ត្រីផ្នែក បង្គោលនារី ផ្កាកុលាបមួយទងនិងថវិកា ចំនួន ១៥០ ០០០ (ដប់ប្រាំម៉ឺនរៀល) ក្នុងម្នាក់ៗ មេភូមិ ៥០ ០០០៛ (ប្រាំម៉ឺនរៀល) ក្នុងម្នាក់ ៗ អនុភូមិ ៤០ ០០០ (បួនម៉ឺនរៀល) ក្នុងម្នាក់ៗ មន្ត្រីសង្កាត់ ៤០ ០០០ (បួនម៉ឺនរៀល) ក្នុងម្នាក់ៗ សរុបថវិកាឧបត្ថម្ភ អស់ចំនួន ៣ ០០០ ០០០ (បីលានរៀល)ផងដែរ៕
ចំនួនអ្នកទស្សនា
- ថ្ងៃនេះ191
- ម្សិលមិញ8301
- សប្តាហ៍នេះ27971
- ខែនេះ15781
- ឆ្នាំនេះ999001
- សរុប20226447