ក្រុមប្រឹក្សាស្រុកកោះសូទិន រៀបចំកិច្ចប្រជុំសាមញ្ញលើកទី២២ អាណត្តិទី២
04-March-2016 | ដោយ មែន កំសត់
កំពង់ចាម៖ នាព្រឹក ថ្ងៃទី០៤ខែមីនាឆ្នាំ២០១៦ រដ្ឋបាលសាលាស្រុកកោះសូទិនបាន រៀបកិច្ចប្រជុំសាមញ្ញលើកទី២២ អាណត្តិទី២ របស់ក្រុមប្រឹក្សាស្រុក ក្រោមអធិបតីភាព លោក ហេង ហ៊ុន ប្រធានក្រុមប្រឹក្សាស្រុក ។
កិច្ចប្រជុំមានវត្តមានចូលរួមពីសមាជិកក្រុមប្រឹក្សាស្រុក ការិយាល័យ ចំណុះ សាលាស្រុក កងកម្លាំងទាំង៣ អភិបាលរងស្រុក មេឃុំ ។កិច្ចប្រជុំដំណើរការយ៉ាងរលូនតាមរបៀបវារៈ រួមមាន៖ ពិនិត្យ និងអនុម័តកំណត់ហេតុប្រចាំខែ មករា ឆ្នាំ២០១៦ ពិនិត្យ របាយការណ៍ប្រចាំខែកុម្ភៈ ឆ្នាំ២០១៦ និង បញ្ហាផ្សេងៗមួយចំនួនផងដែរ។
នាឱកាសនោះ បន្ទាប់ពី ស្ដាប់ របាយការណ៍របស់ រដ្ឋបាលស្រុក ដែលបានលើកឡើងនូវបញ្ហាប្រឈម និងតម្រូវការនានា របស់មូលដ្ឋានរួចមក លោក ហេង ហ៊ុន ប្រធានក្រុមប្រឹក្សាស្រុក បានមានមតិបញ្ជាក់និងសំណេះសំណាលទៅកាន់សមាជិក សមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់រដ្ឋបាល ស្រុក ឃុំ ភូមិ ប៉ុស្តិ៍នគរបាលរដ្ឋបាល ត្រូវបន្តការយកចិត្តទុកដាក់លើ ការអនុវត្តន៍ គោលនយោបាយ ភូមិ សង្កាត់ មានសុវត្ថិភាព ការដោះស្រាយសំណូមពរ បម្រើសេវាសាធារណៈលើ លិខិតស្នាម ឯកសាររដ្ឋបាលនានាមានដូចជា៖ អត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបាន ល្អប្រសើរ។
លោកប្រធានក្រុមប្រឹក្សាស្រុកក៏ បានបន្តថែមទៀតថា៖រដ្ឋបាល សាលា ស្រុក ឃុំ ត្រូវអនុវត្តន៍ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយ ជាមួយប្រជាពលរដ្ឋ ត្រូវរួសរាន់កែតម្រូវ ធ្វើជាមន្ត្រី ត្រូវដឹងសុខទុក្ខរបស់ពលរដ្ឋ ដើម្បីឲ្យស្របតាមនយោបាយរបស់ រាជរដ្ឋាភិបាល ឲ្យក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋានផងដែរ។
បន្ទាប់មកទៀត លោកប្រធានក្រុមប្រឹក្សា ក៏ បានថ្លែងអំណរគុណចំពោះ សមាជិក សមាជិកា ដែលបានចំណាយពេលចូលរួមក្នុង កិច្ចប្រជុំនាឱកាសនេះ ប្រកបដោយភាពទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ91
- ម្សិលមិញ8301
- សប្តាហ៍នេះ27871
- ខែនេះ15681
- ឆ្នាំនេះ998901
- សរុប20226347