លោកស្រី សាត់ រ៉ាន់ណា បើកវេទិកាសាធារណៈ ភូមិ សង្កាត់មានសុវត្ថិភាព នៅសាលា សង្កាត់ផ្សារដេប៉ូ២
04-March-2016 | ដោយ មែន កំសត់
ភ្នំពេញ៖ នៅ ថ្ងៃទី០៤ខែមិនាឆ្នាំ២០១៦ ម៉ោង០៨និង០០នាទីព្រឹក នៅសាលា សង្កាត់ផ្សារដេប៉ូ២ បានរៀបចំ បើកវេទិកាសាធារណៈ ភូមិ សង្កាត់មានសុវត្ថិភាព ក្រោមអធិបតីភាព លោកស្រី សាត់ រ៉ាន់ណាសមាជិកក្រុមប្រឹក្សា ខណ្ឌទួលគោក ។
កិច្ចប្រជុំ មានការចូលរួមពី អធិការនគរបាលខណ្ឌ អាវុធហត្ថខណ្ឌ លោកលោកស្រីជាក្រុមប្រឹក្សាសង្កាត់ មេភូមិ មេភូមិរង សមាជិកភូមិ លោកស្រីជាមន្ត្រីប៉ុស្តិ៍នគរបាល នាយកនាយករងសាលាបឋមសិក្សា តំណាងអាចារ្យគណៈកម្មការវត្ត និងប្រជាពលរដ្ឋចូលរួមជាច្រើន ផងដែរ។
ជាការចាប់ផ្ដើមវេទិកាសាធារណៈ លោកក្រុមប្រឹក្សា សង្កាត់ បានធ្វើរបាយការណ៍ស្ដីពីសកម្មភាព ការដឹកនាំរួមរបស់អាជ្ញាធរទាំងសមត្ថកិច្ចក្នុង ក្របខណ្ឌសង្កាត់ ធានាបានស្ថេរភាពសន្តិសុខសណ្ដាប់ធ្នាប់ល្អប្រសើរ ហើយបានកែប្រែមុខមាត់សង្កាត់ មានការរីកចម្រើនគ្រប់វិស័យ លោកក៏បានបញ្ជាក់ជូនដល់អង្គវេទិកា នូវបញ្ហាក៏ដូចជា ទិសដៅរួមរបស់សង្កាត់ សំរាប់ពេលខាងមុខ គឺទទួលដោះស្រាយជីវភាពជូនពលរដ្ឋនិងមានសុខសន្តិភាពសុវត្ថិភាពនៅ មូលដ្ឋានគ្រប់សង្កាត់ភូមិ ។
បន្ទាប់មក លោកស្រី សាត់ រ៉ាន់ណា សមាជិកក្រុមប្រឹក្សាខណ្ឌ បានមានមតិជំរាបជូនប្រជាពលរដ្ឋដែលចូលរួម នូវការងារគោលនយបាយភូមិឃុំមានសុវត្ថិភាព ដែលមានចំនួន៩ចំណុច ដូចជា៖គ្មានសកម្មភាពលួចឆក់ប្លន់គ្រប់ប្រភេទ គ្មាន ការចែកចាយដាំដុះផលិតគ្រឿងញៀនខុសច្បាប់ គ្មានក្មេងទំនើង គ្មានការលេងល្បែងស៊ីសងគ្រប់ប្រភេទ គ្មានការប្រើប្រាស់អាវុធជាតិផ្ទុះគ្រប់ប្រភេទ គ្មានអំពើអនាចារ្យ ការជួញដូរស្ត្រីកុមារ អំពើហឹង្សាគ្រួសារ គ្មានគ្រោះថ្នាក់ចរាចរណ៍ គ្មានគ្រោះថ្នាក់ ដោយសារយុទ្ធភ័ណ្ឌមិនទាន់ផ្ទុះ (មីន--) មានវិធានការទប់ស្កាត់គ្រប់គ្រងគ្រោះមហន្តរាយនិងឆ្លើយតប ប្រកបដោយប្រសិទ្ធភាពខ្ពស់ គ្មានករត្រួតពិនិត្យខុសច្បាប់( កុងត្រូលជជុះ) លោក ស្រី ក៏ បានបញ្ជាក់ជូនទៅតាមចំណុចលំអិតនិងសំណូមពរឲ្យ អាជ្ញាធរនិងប្រជាពលរដ្ឋត្រូវចូលរួមអនុវត្តន៍ទាំងអស់គ្នាទើបសង្គម មានការរីកចម្រើន។
នាឱកាសនោះដែរ លោកអធិការ រងខណ្ឌ ក៏បានមានមតិបន្ថែមទៅកាន់បងប្អូនប្រជាពលរដ្ឋស្នើសុំឲ្យ សមត្ថកិច្ចបន្តការសហការគ្នាលើការប្រតិបត្តិការបង្ក្រាបបទល្មើស ដើម្បីរក្សាសន្តិសុខ សណ្ដាប់ធ្នាប់ជូនប្រជាពលរដ្ឋនៅមូលដ្ឋាននិងបញ្ហាប្រឈមនានាក៏ដូចជា សំណូមពរដែលគណៈបញ្ជាការឯកភាព នឹងខិតខំបន្តការដោះស្រាយឲ្យបាន តាមលទ្ធភាពដែលមានហើយបើសំណូមពរធំៗនិងពាំនាំស្នើទៅថ្នាក់លើថ្នាក់ ជាតិជួយដោះស្រាយបន្ត ចំពោះលើការប្រតិបត្តិការបង្ក្រាបបទល្មើសដើម្បីរក្សាសន្តិសុខ សណ្ដាប់ធ្នាប់ជូនប្រជាពលរដ្ឋនៅមូលដ្ឋានបងប្អូនប្រជាពលរដ្ឋត្រូវ ជួយផ្ដល់ព័ត៌មាន ជៀសវាងមានករណីកើតឡើងយើងមិនបានទប់ស្កាត់បានទាន់ពេល ហើយបងប្អូនអាចទំនាក់ទំនងតាមរយៈលេខទូរសព្ទដែលបានផ្សព្វផ្សាយ មកកាន់មេភូមិ ប៉ុស្ត៍ ហើយវេទិកានេះមិនមែនរៀបចំតែម្ដងទេក្នុង១ឆ្នាំគឺថ្នាក់សង្កាត់ ត្រូវរៀបជុំឲ្យបាន៣ដងយ៉ាងហោចណាស់។ដូចនេះសូមបងប្អូនមេត្តាទទួល ជ្រាបហើយបើមានបញ្ហាប្រឈមត្រូវ ហ៊ានលើកឡើងដើម្បីយើងធ្វើការកែតម្រូវនូវចំណុចអសកម្មទាំងឡាយនោះ ដើម្បីរួមចំណែកក្នុងការអភិវឌ្ឍនៅមូលដ្ឋាន ។
ជាចុងបញ្ចប់គណៈអធិបតី ក៏បានថ្លែងអំណរគុណចំពោះបងប្អូនសមាជិកសមាជិកាដែល បាន ចូលរួមក្នុវវេទិកាថ្ងៃនេះប្រកបដោយភាពទទួលខុសត្រូវខ្ពស់៕
ចំនួនអ្នកទស្សនា
- ថ្ងៃនេះ131
- ម្សិលមិញ8301
- សប្តាហ៍នេះ27911
- ខែនេះ15721
- ឆ្នាំនេះ998941
- សរុប20226387