ឯកឧត្តម ទូច ណារ៉ុថ ៖នគរបាលជាតិនិងមានផែនការការ ជ្រើសរើសអង្គរក្សជានារី
05-March-2016 | ដោយ មែន កំសត់
ភ្នំពេញ ៖ នៅថ្ងៃទី០៤ ខែ មីនា ឆ្នាំ២០១៦ បើយោងតាមប្រសាសន៍របស់ ឯកឧត្តមឧត្តមសេនីយ៍ឯក ទូច ណារ៉ុថ ប្រធាននាយកដ្ឋានអង្គរក្ស គម្រោងការ ជ្រើសរើសអង្គរក្សជានារី នេះ គឺធ្វើឡើងនៅក្នុងឆ្នាំ ២០១៦ នេះ ក៏ប៉ុន្តែឯកឧត្តម ពុំបានបញ្ជាក់អំពីកាលបរិច្ឆេទច្បាស់ លាស់នៅឡើយទេ ។
ឯកឧត្តម ទូច ណារ៉ុថ បានឲ្យដឹងដូច្នេះ គឺនៅក្នុងឱកាសប្រារព្ធទិវាអន្តរជាតិនារី ៨ មិនា ខួបលើកទី ១០៥ ក្រោមប្រធានបទវិនិយោគលើសមត្ថភាពយេនឌ័រ ដើម្បីកិច្ចអភិវឌ្ឍន៍ប្រកបដោយដោយចិរភាពនៅនាយកដ្ឋានអង្គរក្ស ។
ឯកឧត្តម បន្តថា នគរបាលជានារីដែលប្រកាសជ្រើសរើសនោះ គឺមានកំពស់ចាប់ពី ១,៦៥ ម៉ែត្រឡើងទៅ មាន កម្លាំងពលំមាំមួន ហើយថា សម្រាប់នារីដែលនារីដែលកម្ពស់ កាយសម្បទាគ្រប់គ្រាន់ការជ្រើសរើសនោះ អាចនឹងមិនមាន ប្រឡងធ្វើតេស្តសមត្ថភាព ដោយត្រូវយកគេដាក់បញ្ចូលក្របខ័ណ្ឌ និង ទៅធ្វើហ្វឹកហាត់តែម្តង ។
នគរបាលអង្គរក្សបន្ទាប់ពីជ្រើសរើសបានកម្លាំងនារីថ្មី រួចហើយ ឯកឧត្តមគ្រោងនឹងបង្កើតអង្គភាពពិសេសមួយ ដែលមានសុទ្ធ សឹងជានារី ដោយឡែកមួយ ។ នគរបាលអង្គរក្សបច្ចុប្បន្ន មានកងកម្លាំងនគរបាលជានារីមិនដល់ ៥% នៃចំនួនបុរសនោះទេ ហើយភាគច្រើន កម្លាំងនោះ បម្រើការងារតែនៅក្នុងការិយាល័យ និង មានកងកម្លាំងភាគតិចចេញទៅប្រតិបត្តិការការពារប្រតិភូថ្នាក់ដឹកនាំ ជានារី ។
ឯកឧត្តម ទូច ណារ៉ុថ បញ្ជាក់ថា៖ ការកង្វះកងកម្លាំងនគរបាលនារី បានជួបបញ្ហាប្រឈមខ្លាំងបំផុត នៅពេល ចុះប្រតិបត្តិការត្រួតពិនិត្យភ្ញៀវប្រតិភូជាអន្តរជាតិជានារី ដែលបញ្ហានេះបុរសមិនអាចធ្វើបាននោះទេ ៕
ចំនួនអ្នកទស្សនា
- ថ្ងៃនេះ931
- ម្សិលមិញ8301
- សប្តាហ៍នេះ28711
- ខែនេះ16521
- ឆ្នាំនេះ999741
- សរុប20227187