ខណ្ឌទួលគោក បានរៀបចំទិវានារីអន្តរជាតិ៨មីនា
05-March-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី០៥ ខែមីនាឆ្នាំ២០១៦បានរៀបចំពិធីសំណេះសំណាលខួបលើកទី១០៥ ទិវានារីអន្តរជាតិ៨មីនា និង ពិធីប្រកាសតែងតាំងសមាសភាពអនុសាខាសមាគមនារីកម្ពុជា ដើម្បីសន្តិភាព ការអភិវឌ្ឍន៍ខណ្ឌ បណ្តាញសមាគមនារីកម្ពុជា ដើម្បីសន្តិភាព និងអភិវឌ្ឍន៍ សង្កាត់ ផ្សារ និង ភូមិ ក្នុងខណ្ឌទួលគោក រាជធានីភ្នំពេញ។
ពិធីនេះមានការចូលរួមពីសមាជិកសមាជិកាគណៈកម្មាធិការបក្សខណ្ឌ គណៈពង្រឹងមូលដ្ឋាន គណៈកម្មាធិការបក្សសង្កាត់ ភូមិ និងមន្ត្រីរាជការសរុបចំនួន ប្រមាណ ៥៥០នាក់ស្ថិតក្រោមអធិបតីភាព លោកជំទាវ ម៉ក់ វណ្ណស៊ីថាប្រធានគណៈកម្មការសាខាសមាគមនារី កម្ពុជា ដើម្បីសន្តិភាព និងអភិវឌ្ឍន៍ រាជធានីភ្នំពេញ។
ក្នុងឱកាសនោះដែរ លោកជំទាវ ម៉ក់ វណ្ណស៊ីថា បានមានមតិស្វាគមន៍ និងសំណាលដល់សមាជិកសមាជិកាគណៈកម្មាធិការបក្សគ្រប់លំដាប់ថ្នាក់ប្រកបដោយភាពរីករាយនិងកក់ក្តៅបំផុត ហើយលោកជំទាវ ក៏បានលើកឡើងទៀតថាៈរាជដ្ឋាភិបាល បានយកចិត្តដាក់ចំពោះនារី(Gender)ក្នុងកិច្ចការអភិវឌ្ឍន៍សង្គមជាតិ រួមទាំងស្នើឲ្យអាជ្ញាធរ ត្រូវផ្សព្វផ្សាយឲ្យបានទូលំទូលាយការងារស្ត្រីនិងកុមារ ការបង្ការទប់ស្កាត់បទល្មើស គ្រប់ប្រភេទ និងមានការគោរពគ្នាប្រកបដោយប្រសិទ្ធិភាពខ្ពស់។
បន្ទាប់មកលោកជំទាវបាននាំមកនូវការដូអនុស្សាវរីយ៍និងថវិការមួយចំនួនជូនដល់ សមាជិកសមាជិកាគណៈកម្មាធិការបក្ស និងអ្នកចូលរួមផងដែរ៕
ដោយ៖ទស្សនៈយុវជន
ចំនួនអ្នកទស្សនា
- ថ្ងៃនេះ251
- ម្សិលមិញ8301
- សប្តាហ៍នេះ28031
- ខែនេះ15841
- ឆ្នាំនេះ999061
- សរុប20226507