លោក ម៉ននី បណ្ឌិតនាំយកមូលនិធិសម្តេច ស ខេង ជូន ប្រជាពលរដ្ឋ នៅក្នុងឃុំព្នៅទី២
05-March-2016 | ដោយ មែន កំសត់
ព្រៃវែង៖ នៅព្រឹកថ្ងៃទី ០៥ មីនា ២០១៦ លោក ម៉ននី បណ្ឌិត អនុប្រធានគណៈកម្មាធិការគណបក្សប្រជាជនកម្ពុជាស្រុកស៊ីធរកណ្ដាល ខេត្តព្រៃវែង បាននាំយកមូលនិធិសម្តេចក្រឡាហោម ស ខេង ទៅចែកជូនបងប្អូនប្រជាពលរដ្ឋ នៅក្នុងឃុំព្នៅទី២ ស្រុកស៊ីធរកណ្ដាល។
ការចុះសាកសួរសុខទុក្ខមានការចូល រួមពី មន្ត្រីសាលាស្រុក ក្រុមប្រឹក្សា ឃុំ មេភូមិ ប៉ុស្តិ៍នគរបាលរដ្ឋបាល ផងដែរ។
ក្នុងឱកាសជួបជាមួយគ្រួសារទាំង១០ ខាងលើ លោក ម៉ននី បណ្ឌិត បានសំណេះសណាល សួរសុខទុក្ខ អំពីស្ថានភាពរស់នៅប្រចាំថ្ងៃរបស់ពួកគាត់ដូចជា ការប្រកបរបរចិញ្ចឹមគ្រួសារ ស្ថានភាពការសិក្សារបស់កូនចៅ ស្ថានភាពសន្តិសុខសណ្ដប់ធ្នាប់សាធារណៈនាពេលបច្ចុប្បន្ន ជាពិសេសគឺការផ្តល់សេវាសាធារណៈរបស់អាជ្ញាធរមូលដ្ឋាន ដើម្បីរកឱ្យឃើញនូវ រាល់កង្វល់ និងបញ្ហាប្រឈមនានាដែលពួកគាត់បានជួបប្រទះ ឈានទៅរកការដោះស្រាយជូនពួកគាត់ប្រកបដោយប្រសិទ្ធភាព និង ទាន់ពេលវេលា ក្រោយពីធ្វើការសំណេះសំណាលចប់លោកអភិបាលនិងជាអនុប្រធានបក្សស្រុក ក៏ បានប្រគល់ជូននូវមូលនិធិសខេងដល់គ្រួសារ មានដូចជា ៖ គ្រួសារអ្នកមរណៈភាព ចំនួន០៣គ្រួសារ នៅភូមិស្គារស្រុក គ្រួសារសម្រាលកូន ចំនួន០៤គ្រួសារនៅ ភូមិ ស្គារស្រុក គ្រួសារសម្រាលកូន ចំនួន០៣គ្រួសារនៅ ភូមិតាង៉កស្រែនៅក្នុងឃុំព្នៅទី២ ស្រុកស៊ីធរកណ្ដាលដោយថវិកាមូលនិធិមាន ចំនួន០១គ្រួសារ ២០ម៉ឺនរៀលទៀតផងដែរ។
តំណាងគ្រួសារទាំង១០ដែលទទួលបានមូលនិធិបានសម្ដែងនូវក្ដីត្រេកអរនិងបានកោតសរសើរចំពោះលោកអភិបាលស្រុកវ័យក្មេងដែលតែងគិតគូរសុខទុក្ខដល់ពួកគាត់ សក្ដិសមជាមន្ត្រីល្អ ប្រកបដោយការយកចិត្តទុក្ខដាក់ ស្របតាមនយោកាត់បន្ថយភាពក្រីក្ររបស់រាជរដ្ឋាភិបាល ដែលមានសម្ដេចតេជោ ហ៊ុនសែនជាប្រមុខដឹកនាដ៏ឆ្លាតវៃ៕
ចំនួនអ្នកទស្សនា
- ថ្ងៃនេះ101
- ម្សិលមិញ8301
- សប្តាហ៍នេះ27881
- ខែនេះ15691
- ឆ្នាំនេះ998911
- សរុប20226357