សង្កាត់ព្រែកប្រា បានរៀបចំទិវាសិទ្ធិនារីអន្តរជាតិ៨មីនា
07-March-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី០៧ ខែមីនា ឆ្នាំ២០១៦ បានរៀបចំពិធី សំណេះសំណាលខួបលើកទី១០៥ទិវានារីអន្តរជាតិ៨មីនា នៅសាលាសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ។
ពិធីនេះមានការចូលរួមពី សមាជិកសមាជិកាគណៈកម្មាធិការបក្សសង្កាត់ គណៈពង្រឹងមូលដ្ឋានសង្កាត់ ភូមិ និង មន្ត្រីប៉ុស្តិ៍ព្រែកប្រាផងដែរ ក្រោមអធិបតីភាពលោក ហួរ ហួត ចៅសង្កាត់ព្រែកប្រា។
ក្នុងឱកាសនោះដែរ លោក ហួរ ហួត បានមានមតិស្វាគមន៍ និងសំណោះសំណាលដល់ សមាជិកសមាជិកាគណៈកម្មាធិការទាំងអស់ប្រកប ដោយភាពរីករាយនិងកក់ក្តៅបំផុត ហើយលោក ក៏បានលើកឡើងទៀតថាៈរាជដ្ឋាភិបាល បានយកចិត្តដាក់ចំពោះនារី(Gender)ក្នុងកិច្ចការអភិវឌ្ឍន៍សង្គមជាតិ រួមទាំងស្នើឲ្យអាជ្ញាធរ ត្រូវផ្សព្វផ្សាយឲ្យបានទូលំទូលាយការងារស្ត្រីនិងកុមារ ការបង្ការទប់ស្កាត់បទល្មើស គ្រប់ប្រភេទ និងមានការគោរពគ្នាប្រកបដោយប្រសិទ្ធិភាពខ្ពស់។
បន្ទាប់មកលោកហួរ ហួតចៅសង្កាត់ព្រែកប្រា បានឧបត្ថម្ភនារី សង្កាត់ភូមិ សាលាប៉ុស្តិ៍ ក្នុងម្នាក់ៗថវិកា ៣០០០០រៀល និងក្រម៉ា១ អ្នកចូលរួមជាបុរសម្នាក់ៗ ២០០០០រៀលផងដែរ៕
ចំនួនអ្នកទស្សនា
- ថ្ងៃនេះ241
- ម្សិលមិញ8301
- សប្តាហ៍នេះ28021
- ខែនេះ15831
- ឆ្នាំនេះ999051
- សរុប20226497