ខណ្ឌសែនសុខបានរៀបចំពិធី ខួបលើកទី១០៥ ទិវាអន្តរជាតិនារី
08-March-2016 | ដោយ មែន កំសត់
ភ្នំពេញ៖ នៅព្រឹក ថ្ងៃទី០៧ ខែមីនា ឆ្នាំ២០១៦ រដ្ឋបាលខណ្ឌសែនសុខបានរៀបចំពិធីជាមួយមន្ត្រីរាជការនារីសាលាខណ្ឌសែនសុខ ខួបលើកទី១០៥ ទិវាអន្តរជាតិនារី ០៨មីនា ឆ្នាំ២០១៦ ក្រោមប្រធានបទ "វិនិយោគលើសភាពយេនឌ័រ ដើម្បីកិច្ចអភិវឌ្ឍន៍ប្រកបដោយចីរភាព" ក្រោមអធិបតីភាព លោក អ៊ូវ ឡៃយ ប្រធានក្រុមប្រឹក្សាខណ្ឌ និង លោក លី សាវេត អភិបាល នៃគណៈអភិបាលខណ្ឌ ។
ពិធីនេះមានការចូលរួមពី សមាជិកសមាជិកាគណៈកម្មាធិការបក្សសង្កាត់ គណៈពង្រឹងមូលដ្ឋានសង្កាត់ ភូមិ និង មន្ត្រីប៉ុស្តិ៍រដ្ឋបាលសង្កាត់ ផងដែរ ។
ក្នុងឱកាសនោះដែរ លោក អ៊ូវ ឡៃយ ប្រធានក្រុមប្រឹក្សាខណ្ឌ បានមានមតិស្វាគមន៍ និងសំណោះសំណាលដល់ សមាជិកសមាជិកាគណៈកម្មាធិការទាំងអស់ប្រកប ដោយភាពរីករាយនិងកក់ក្តៅបំផុត ហើយលោក ក៏បានលើកឡើងទៀតថាៈរាជដ្ឋាភិបាល បានយកចិត្តដាក់ចំពោះនារី(Gender)ក្នុងកិច្ចការអភិវឌ្ឍន៍សង្គមជាតិ រួមទាំងស្នើឲ្យអាជ្ញាធរ ត្រូវផ្សព្វផ្សាយឲ្យបានទូលំទូលាយការងារស្ត្រីនិងកុមារ ការបង្ការទប់ស្កាត់បទល្មើស គ្រប់ប្រភេទ និងមានការគោរពគ្នាប្រកបដោយប្រសិទ្ធិភាពខ្ពស់។
បន្ទាប់មកលោក លី សាវេត អភិបាល នៃគណៈអភិបាលខណ្ឌ បានឧបត្ថម្ភនារី សង្កាត់ភូមិ សាលាប៉ុស្តិ៍ ក្នុងម្នាក់ៗថវិកា ៣០០០០រៀល និងក្រម៉ា១ អ្នកចូលរួមជាបុរសម្នាក់ៗ ២០០០០រៀលផងដែរ៕
ចំនួនអ្នកទស្សនា
- ថ្ងៃនេះ351
- ម្សិលមិញ8301
- សប្តាហ៍នេះ28131
- ខែនេះ15941
- ឆ្នាំនេះ999161
- សរុប20226607