អាជ្ញាធរសង្កាត់បាក់ខែង ប្រារព្ធពិធីអបអរសាទរខួបអនុស្សាវរីយ៍លើកទី១០៥ នៃទិវាអន្តរជាតិនារី ៨ មីនា ឆ្នាំ២០១៦
09-March-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី៨ ខែមីនា ឆ្នាំ២០១៦ អាជ្ញាធរសង្កាត់បាក់ខែង បានរៀបចំពិធីអបអរសាទរខួបលើកទី១០៥ នៃទិវាអន្តរជាតិនារី ៨ មីនា ២០១៦ ក្រោមអធិបតីភាព លោក ប្រាក់ ចាន់ណា ប្រធានក្រុមប្រឹក្សាខណ្ឌជ្រោយចង្វារ
ពិធីនេះមានការអញ្ជើញចូលរួមពី លោកស្រី ទឹម សុខុន ប្រធានគណៈកម្មាធិការពិគ្រោះយោបល់កិច្ចការស្ត្រី និងកុមារ របស់ក្រុមប្រឹក្សាខណ្ឌជ្រោយចង្វារ មន្ត្រីរាជការសាលាខណ្ឌ លោក-លោកស្រីសមាជិក សមាជិកាក្រុមប្រឹក្សាសង្កាត់ មន្ត្រីសង្កាត់ មេភូមិ អនុប្រធានភូមិ ជំនួយការភូមិ ជាពិសេសស្ត្រីដែលជាភរិយារបស់មន្ត្រីមូលដ្ឋានសង្កាត់ សរុបចំនួន ៣៩នាក់។
ក្នុងឱកាសនោះដែរលោក ប្រាក់ ចាន់ណា ប្រធានក្រុមប្រឹក្សាខណ្ឌ បានមានមតិស្វាគមន៍ និងសំណោះសំណាលដល់ សមាជិកសមាជិកាគណៈកម្មាធិការទាំងអស់ប្រកប ដោយភាពរីករាយនិងកក់ក្តៅបំផុត ហើយលោក ក៏បានលើកឡើងទៀតថាៈរាជដ្ឋាភិបាល បានយកចិត្តដាក់ចំពោះនារី(Gender)ក្នុងកិច្ចការអភិវឌ្ឍន៍សង្គមជាតិ រួមទាំងស្នើឲ្យអាជ្ញាធរ ត្រូវផ្សព្វផ្សាយឲ្យបានទូលំទូលាយការងារស្ត្រីនិងកុមារ ការបង្ការទប់ស្កាត់បទល្មើស គ្រប់ប្រភេទ និងមានការគោរពគ្នាប្រកបដោយប្រសិទ្ធិភាពខ្ពស់។
បន្ទាប់មកទន្ទឹមនឹងការប្រារព្ធពិធីអបអរសាទរនោះដែរ ក៏មានការជូននូវបាច់ផ្កាអនុស្សាវរីយ៍ជានិម្មិតរូប និងបានឧបត្ថម្ភដល់សមាជិកជាស្ត្រី ចំនួន ២៦នាក់ ដែលក្នុងមួយនាក់ទទួលបាននូវថវិកាចំនួន ៥០,០០០រៀល ក្នុងនោះ លោក ឃន សុជាតិ នាយករងរដ្ឋបាលសាលាខណ្ឌ ឧបត្ថម្ភថវិកាចំនួន ៥៥០,០០០រៀល, លោក កាយ សុខហៃ ប្រធានការិយាល័យភូមិបាលខណ្ឌ ឧបត្ថម្ភថវិកាចំនួន ៥០០,០០០រៀល និងលោក ឆែ សូនី ចៅសង្កាត់ ឧបត្ថម្ភថវិកាចំនួន ២៥០,០០០រៀល ផងដែរ៕
ចំនួនអ្នកទស្សនា
- ថ្ងៃនេះ7901
- ម្សិលមិញ7271
- សប្តាហ៍នេះ27371
- ខែនេះ15181
- ឆ្នាំនេះ998401
- សរុប20225847