លោក លី សុវណ្ណ«ស្ត្រីនាពេលបច្ចុប្បន្ននេះក៏មានសមត្ថភាពមិនចាញ់បុរសនោះទេ»
10-March-2016 | ដោយ មែន កំសត់
ភ្នំពេញ៖ លោក លី សុវណ្ណ ជាប្រធានក្រុមហ៊ុន សំណង់ផ្ទះល្វែង បានប្រារពពិធីអបអរសាទរ ទិវាសិទ្ធនារីអន្តរជាតិក្នុងឱកាសរំលឹកខួបលើកទី ១០៥ នៃទិវាអន្តរជាតិ ៨ មិនាឆ្នាំ ២០១៦ ក្រុមហ៊ុនសំណង់ លី សុវណ្ណ ដោយមានការចូលរួមពីបុគ្គលិក គ្រប់ជាន់ថ្នាក់ ប្រមាណជាង ៣៥០ នាក់ ។
មានមតិក្នុងពិធីជប់លៀងយ៉ាងសប្បាយរីរាយនាពេលនោះ៖ ពិធីនេះបានធ្វើឡើងក្នុងបំណង ជំរុញ និងលើកទឹកចិត្តបុគ្គលិកទាំងអស់ ជាពិសេសបុគ្គលិកដែលជាស្ត្រី ឲ្យខិតខំប្រឹងប្រែងបន្ថែមទៀតលើគ្រប់កិច្ចការងារ ទាំងឡាយណាដែលខ្លួនបានបំពេញ ដើម្បីបង្ហាញឲ្យឃើញថា៖« ស្ត្រីនាពេលបច្ចុប្បន្ននេះក៏មានសមត្ថភាពមិនចាញ់បុរសនោះទេ»។
ហើយលោក លី សុវណ្ណក៏បាន បន្ថែមផងដែរថា៖ការប្រារព្វទិវាសិទ្ធនារីអន្តរជាតិ ត្រូវបានប្រារព្វឡើងជារៀងរាល់ឆ្នាំដើម្បីចំណងមិត្តភាព ភាពទំនាក់ទំនងរវាងបុគ្គលិកគ្រប់ជាន់ថ្នាក់ជាមួយថ្នាក់ដឹកនាំ ក្រុមហ៊ុនដើម្បីបង្កើនសមត្ថភាព ពង្រឹង និង ពង្រីកភាពខ្លាំង របស់ក្រុមហ៊ុនសំដៅ រួមចំណែកក្នុងការ អភិវឌ្ឍ វិស័យ សំណង់ ដែលជា ការចូលរួម វិស័យសេដ្ឋកិច្ចជាតិ ក្រោម ដំបូលនៃសុខ សន្តិភាព ស្ថេរភាព នយោបាយ របស់រាជរដ្ឋាភិបាលដែលមាន សម្ដេច តេជោហ៊ុនសែន នាយករដ្ឋមន្ត្រី ជាប្រមុខដឹកនាំ។
ក្រៅអំពីការសំណេះសំណាល ប្រកបដោយភាពស្និទ្ធស្នាល និងកក់ក្ដៅនោះ លោក លី សុវណ្ណ និងលោកស្រី ម៉ិញសុធា បាននាំមកនូវ ការទទួលទាន អាហារពេលល្ងាច ព្រមទាំងសំភារៈ ថវិកា មួយចំនួន ដល់បុគ្គលិកស្ដ្រី ដែលបាន ចូលរួម ផងដែរ៕
ចំនួនអ្នកទស្សនា
- ថ្ងៃនេះ7681
- ម្សិលមិញ7271
- សប្តាហ៍នេះ27151
- ខែនេះ14961
- ឆ្នាំនេះ998181
- សរុប20225627