ពិធីសម្ពោធដាក់អោយប្រើប្រាស់នូវ សូនដាំ ដើមឈើ អនុស្សាវរីយ៍ និង សួន អាពាហ៍ពិពាហ៍ ស្ថិតនៅក្នុង ប្រាសាទនគរបាជ័យ
11-March-2016 | ដោយ មែន កំសត់
កំពង់ចាម៖ នៅថ្ងៃទី ១០ ខែមិនា ឆ្នាំ២០១៦ រដ្ឋបាលខេត្តកំពង់ចាម បាន ប្រារព្ធពិធីសម្ពោធដាក់អោយប្រើប្រាស់នូវ សូនដាំ ដើមឈើ អនុស្សាវរីយ៍ និង សួន អាពាហ៍ពិពាហ៍ ស្ថិតនៅក្នុង ប្រាសាទនគរបាជ័យ ក្រោមអធិបតីភាពឯកឧត្តមថោង ខុន រដ្ឋមន្ត្រីក្រសួងទេសចរណ៍ ។
ពិធីនេះមានការចូលរួមពី អភិបាលខេត្ត ឯកឧត្តមលន់ លឹមថៃ និង លោកជំទាវ លោក អភិបាលរងខេត្ត លោកអភិបាលក្រុង លោកអភិបាលរងក្រុង លោក លោកស្រីប្រធាន មន្ទីរជុំវិញខេត្ត សិស្សានុសិស្ស គរុសិស្ស ប្រជាពលរដ្ឋសរុប ប្រមាណ ៤00នាក់។
នាឱកាសនោះអភិបាលនៃគណៈអភិបាលខេត្តកំពង់ចាម លន់ លឹមថៃ ថ្លែងក្នុងឱកាសនេះដែរថា ÷ សួន នេះបង្កើតឡើងក្នុងគោលបំណង បំផុសអោយប្រជាពលរដ្ឋ ស្រលាញ់បរិស្ថានបៃតងនិង នាំគ្នាដាំ ដើមឈើអោយបានគ្រប់ៗគ្នា ដែលជាកាយវិការ បញ្ជាក់ពីការចូលរួមចំណែកអភិវឌ្ឍន៍សង្គម ដល់កូនចៅជំនាន់ក្រោយ។
ឯកឧត្តមបានបញ្ជាក់ទៀតថា ខេត្តកំពង់ចាមយើងនេះត្រូវបាន ប្រសិទ្ធនាមដែលឆ្លុះ បញ្ចាំងពី ចក្ខុវិស័យនៃការ អភិវឌ្ឍដ៏វែងឆ្ងាយថា <<ទឹងដីនៃឱកាស>>សម្រាប់ដៃគូអភិវឌ្ឍ វិនិយោគជាតិ និង អន្តរជាតិទាំងឡាយណាដែលមានបំណងប្រតិបត្តិការការងារនៅលើទឹកដីខេត្តកំពង់ចាម។លោកបាន បន្តទៀតថា សួននេះមិនមែនជាសមិទ្ធផលទេសចរណ៍លើកដំបូងនោះទេ តែវាគឺជា សមិទ្ធផលថ្មីមួយទៀត ដែលត្រូវបានផ្ដួចផ្ដើម ឡើងដោយរដ្ឋបាលខេត្ត កំពង់ចាម។ ម្យ៉ាងវិញទៀតសួន នេះតម្រូវអោយមាន ការចូលរួមថែរក្សាកាពា ពីសំណាក់ អាជ្ញាធរនិង ប្រជាពលរដ្ឋដើម្បីនៅបានគង់វង្ស យូរអង្វែង។
ឯកឧត្តម អភិបាលខេត្តកំពង់ចាម សង្ឃឹមយ៉ាងមុតមាំថា សួនមួយ នេះនឹងក្លាយជាសួន ដ៏ប្រណីតមួយ នៅពេលខាងមុខ ដែលមាន មនុស្សជាច្រើន រួមទាំង ស្វាមីភរិយាគ្រប់ទឹសទីក្នុងបនរទេស កម្ពុជា ជាពិសេសក្នុង ខេត្តកំពង់ចាមមក ដាំដើមឈើជាអនុស្សាវរីយ៍ ព្រោះដើមឈើដែលអ្នកដាំ ថ្ងៃនេះគឺជា លិខិតគ្មានអក្សរ មួយច្បាប់ ដែលរៀបរាប់ នៃការគិតរាប់លាន គំនិតរបស់អ្នកដាំ សម្រាប់កូនចៅជំនាន់ក្រោយ។
ឆ្លៀតក្នុងឱកាសនោះដែរឯកឧត្តម ថោង ខុន រដ្ឋមន្ត្រី ក្រសួងទេសចរណ៍បាន មានមតិសំណេះសំណាល ទៅកាន់អង្គពិធី ដោយ លោកបាន សង្កត់ធ្ងន់ទៅលើបញ្ហា ធំៗបី ដែលនៅក្នុង សន្និសីទពិភពលោកនៅទីក្រុង ប៉ារីស ថ្មីៗនេះបាន ដាក់ចេញ គឺ ១ ធ្វើយ៉ាងណាអោយមាន អាគារ បៃតង ២ ធ្វើយ៉ាងណាអោយមាន ការ រស់នៅ បៃតង ៣ ធ្វើយ៉ាងណាអោយមាន ការដឹក ជញ្ជូនបៃតង ពោលគឺ ការរស់នៅមិន បំពុល និង បំផ្លាញ ដល់ បរិស្ថាន ។
ទាក់ទងនឹង សួន អាពាហ៍ពិពាហ៍នេះដែរ ឯក ឧត្តម បាន បន្តថា សួន នេះមិនត្រឹមតែជា សួន អនុស្សាវរីយ៍ទេ តែ វា ក៏ជា ប្រភពនៃ ការទាក់ទាញ ទេសចរណ៍ជាតិនិង អន្តរជាតិដែលអាច បំរើ និង សម្រាល ការស់នៅរបស់ ប្រជាជន យើងបាន មួយកម្រឹត ផងដែរនិង ជា ចុងក្រោយ ឯកឧត្ដមសូមសំណូមពរ ទៅដល់ អាជ្ញាធរដែនដី ប្រជាពលរដ្ឋអោយចូលរួមថែរក្សា ការពារសួន មួយ នេះអោយបាន គង់វង្សស្ថិតស្ថេ រតរៀងទៅដើម្បីទុកជា កេរដំណែលដល់កូន ចៅ ជំនាន់ក្រោយនិង ជា អនុស្សាវរីយ៍ របស់ យើងទាំងអស់គ្នាផងដែរ៕
ដោយអ៊ាម ហ៊ុយ
ចំនួនអ្នកទស្សនា
- ថ្ងៃនេះ7861
- ម្សិលមិញ7271
- សប្តាហ៍នេះ27331
- ខែនេះ15141
- ឆ្នាំនេះ998361
- សរុប20225807