លោក ជា ពិសីកែវ បើកកិច្ចប្រជុំគណៈបញ្ជាការឯកភាពខណ្ឌឫស្សីកែវ
12-March-2016 | ដោយ មែន កំសត់
ភ្នំពេញ៖ នារសៀលថ្ងៃទី ១១ ខែ មីនា ឆ្នាំ ២០១៦ សាលាខណ្ឌឫស្សីកែវ បានបើកកិច្ចប្រជុំគណៈបញ្ជាការឯកភាពខណ្ឌឫស្សីកែវ ក្រោមអធិបតីភាព លោក ជា ពិសី ប្រធានគណៈបញ្ជាការឯកភាពនិង ជា អភិបាលខណ្ឌ ។
កិច្ចប្រជុំមានការអញ្ជើញចូលរួមពីលោក-លោកស្រីអភិបាលរងខណ្ឌ លោកអធិការរង លោកមេបញ្ជាការរង កងរាជ អាវុធហត្ថខណ្ឌ លោកនាយករដ្ឋបាលស្តីទី នាយករងរដ្ឋបាលប្រធាន-អនុប្រធានការិយាល័យចំណុះ រចនាសម្ព័ន្ធខណ្ឌ ការិយាល័យជុំនាញជុំវិញខណ្ឌ លោកចៅសង្កាត់ទាំង៦ នាយប៉ុស្តិ៍សង្កាត់ទាំង៦ មេភូមិ សណ្តាប់ធ្នាប់ ខណ្ឌសរុប ៦៦នាក់ ។
កិច្ចប្រជុំនេះ ដំណើរការមានរបៀបវារៈចំនួន ៤គឺ៖ ការកែសម្រួលសមាសភាពគណៈបញ្ជាការឯកភាពខណ្ឌ/ បញ្ហាប្រឡាយ និងសំរាម/ បញ្ហាសន្តិសុខ និងអត្តសញ្ញាណប័ណ្ណនិង បញ្ហាផ្សេងៗ។
ក្រោយពីស្ដាប់របាយការណ៍របស់ថ្នាក់សង្កាត់ ប៉ុស្តិ៍ ភូមិ ជុំវិញបញ្ហាប្រឈមនិងតម្រូវការចាំបាច់ លោក ជា ពិសី ប្រធានគណៈបញ្ជាការឯកភាពនិង ជា អភិបាលខណ្ឌ បានមានមតិ និងដាក់ផែនការជូនដល់បណ្ដាអង្គភាពដើម្បីអនុវត្តន៍បន្ត គឺត្រូវយកចិត្តទុកដាក់លើការងារសន្តិសុខសណ្ដាប់ធ្នាប់សាធារណៈ ការបម្រើសេវា សាធារណៈជូនប្រជាពលរដ្ឋនៅមូលដ្ឋាន ការយកចិត្តទុកដាក់កិច្ចអភិវឌ្ឍន៍ ការចុះប្រជុំផ្សព្វផ្សាយឲ្យបានទូលាយនូវគោលការណ៍ច្បាប់ ពិសេស គ្រោះថ្នាក់ចរាចរណ៍ ការងាររដ្ឋបាលលិខិតស្នាមមានសៀវភៅគ្រួសារ អត្តសញ្ញាណបណ្ណនិងអត្រានុកូលដ្ឋានតាមកម្រៃសេវាច្បាប់ រាល់ចំណុចអសកម្មភាពត្រូវធ្វើការកែតម្រូវ ដើម្បីចូលរួមកិច្ចអភិវឌ្ឍន៍និងកាត់បន្ថយភាពក្រីក្រនៅក្នុងមូលដ្ឋាន៕
ចំនួនអ្នកទស្សនា
- ថ្ងៃនេះ7871
- ម្សិលមិញ7271
- សប្តាហ៍នេះ27341
- ខែនេះ15151
- ឆ្នាំនេះ998371
- សរុប20225817