ឯកឧត្តម អៀង អូននី ចូលរួម ពិធីប្រកាសតែងតាំងប្រធានការិយាល័យរៀបចំដែនដី នគររូបនីយកម្ម សំណង់ និង ភូមិបាលខណ្ឌចំការមន
12-March-2016 | ដោយ មែន កំសត់
ភ្នំពេញ៖ នៅរសៀល ថ្ងៃទី ១១ ខែមិនា ឆ្នាំ២០១៦ វេលាម៉ោង១៤ម៉ោង០០នាទី នៅសាលាខណ្ឌចំការមន បានរៀបចំពិធីប្រកាសតែងតាំង លោក ឡឹក ចន្តា ជាប្រធានការិយាល័យរៀបចំដែនដី នគររូបនីយកម្ម សំណង់ និងភូមិបាលខណ្ឌចំការមន ក្រោមអធិបតីភាព ឯកឧត្តម អៀង អូននី អភិបាលរងរាជធានីភ្នំពេញ និងលោក ព្រុំ សំខាន់ អភិបាលខណ្ឌចំការមន។
កិច្ចប្រជុំមានការអញ្ជើញចូលរួមពីលោក-លោកស្រីអភិបាលរងខណ្ឌ លោកអធិការរង លោកមេបញ្ជាការរង កងរាជ អាវុធហត្ថខណ្ឌ លោកនាយករដ្ឋបាលស្តីទី នាយករងរដ្ឋបាលប្រធាន-អនុប្រធានការិយាល័យចំណុះ រចនាសម្ព័ន្ធខណ្ឌ ការិយាល័យជុំនាញជុំវិញខណ្ឌ លោកចៅសង្កាត់ នាយប៉ុស្តិ៍សង្កាត់។
ក្រោយពិការអានប្រកាសរបស់ក្រសួងរៀបចំដែនដី នគររូបនីយកម្ម សំណង់និងការប្ដេជ្ញាចិត្តរបស់លោក ឡឹក ចន្តា ជាប្រធានការិយាល័យរៀបចំដែនដី នគររូបនីយកម្ម សំណង់ និងភូមិបាលខណ្ឌចំការមនដែលទើបចូលកាន់តំណែងថ្មី នាឱកាសនោះក្រោមអធិបតីភាព ឯកឧត្តម អៀង អូននី អភិបាលរងរាជធានីភ្នំពេញបានមានមតិផ្ដាំផ្ញើនិងណែនាំដល់មន្ត្រីសុរិយោដី ថ្មី រួមមាន៖ ត្រូវសហការជាមួយ អាជ្ញាធរខណ្ឌ សង្កាត់ អនុវត្តន៍ដំណោះស្រាយបាតុភាពដីបញ្ហផ្សេងៗប្រកបដោយភាពមិនលំអៀងតាមនយោបាយកាត់បន្ថយទំនាស់ដីធ្លីនៅមូលដ្ឋានរបស់ក្រសួងនិងប្រមុខរដ្ឋាភិបាល ផ្សព្វផ្សាយឯកសារដីធ្លី ការធ្វើប័ណ្ណកម្មសិទ្ធិ ការផ្ទេរ ភោគៈ និងមូលដ្ឋានគតិយុត្តិនានាលើវិស័យដីធ្លីសំណង់ភូមិបាល និងបន្តចុះបណ្ណ័កម្មសិទ្ធិ ចេញ ប្លង់ អនុវត្តន៍តាមច្បាប់កម្រៃសេវារបស់រដ្ឋ៕
ចំនួនអ្នកទស្សនា
- ថ្ងៃនេះ7951
- ម្សិលមិញ7271
- សប្តាហ៍នេះ27421
- ខែនេះ15231
- ឆ្នាំនេះ998451
- សរុប20225897