គណៈបណ្ជាការឯកភាពសង្កាត់ ស្ទឹងមានជ័យ បង្ក្រាបល្បែងស៊ីសង
12-March-2016 | ដោយ មែន កំសត់
ភ្នំពេញ ៖ ដើម្បីឆ្លើយតបទៅនឹង គោលនយោបាយ ភូមិ សង្កាត់ មានសុវត្ថិភាព លោក សេង សាញ់ ចៅសង្កាត់ ស្ទឹងមានជ័យ បានបញ្ជាអោយកម្លាំង សមត្ថកិច្ចចុះល្បាតទាំងយប់ទាំងថ្ងៃ នៅវេលាម៉ោង ១១ និង៣០នាទី នៅថ្ងៃទី១២ ខែមិនា ឆ្នាំ២០១៦ កងកម្លាំងនគរបាល ស្ទឹងមានជ័យ ដឹកនាំដោយ លោក នាយរង ប៉ុស្តិ៍ ឯម ភារី និង ប្រជាការពារសង្កាត់ស្ទឹងមានជ័យ បានធ្វើការចុះបង្ក្រាបទីតាំង ល្បែងស៊ីសងជល់មាន់មួយកន្លែង ដែលស្ថិតនៅ ដីឡូ ក្រុម៣ ភូមិដំណាក់ធំ៣ សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ។
បើយោងតាម ការបញ្ជាក់របស់ លោក ឯម ភារី នាយរងប៉ុស្តិ៍ ការចុះបង្ក្រាបនេះ ល្បែងស៊ីសងជល់មាន់មួយនេះ ពេលសមត្ថកិច្ចយើងទៅដល់ ពួកគេបាននាំគ្នារត់គេចតាមខ្លួនបាត់ស្រមោល បន្សល់ទុកទ្រុងមាន់និង សំភារៈមួយចំនួន។ ក្រោយមក កម្លាំងនគរបាលស្ទឹងមានជ័យ រួមនិងប្រជាការពារសង្កាត់ បានប្រមែប្រមូលយកសំភារៈទាំងអស់នោះដុតកម្ទេចចោលនៅទីកន្លែងនោះតែម្តង៕
ចំនួនអ្នកទស្សនា
- ថ្ងៃនេះ7911
- ម្សិលមិញ7271
- សប្តាហ៍នេះ27381
- ខែនេះ15191
- ឆ្នាំនេះ998411
- សរុប20225857