គ្រួសារក្រីក្រចំនួន២៨គ្រួសារនៅ ឃុំល្វេ ស្រុក ស៊ីធរកណ្ដាល ទទួលបានមូលនិធិ សម្ដេច សខេង
13-March-2016 | ដោយ មែន កំសត់
ព្រៃវែង៖ ដោយពិនិត្យ ឃើញ ជីវភាពរបស់បងប្អូនប្រជាពលរដ្ឋ មានការខ្វះខាត ទីទ័ល ក្រីក្រ និង ទទួលបានព័ត៌មានពី លោក ម៉ននី បណ្ឌិត អភិបាលស្រុកស៊ីធរកណ្ដាល ទើប នៅរសៀលថ្ងៃទី ១២ខែមីនាឆ្នាំ២០១៦ ឯកឧត្តម កង សុខន ប្រធានក្រុមការងារស្រុកស៊ីធរកណ្តាល បានចុះចែកមូលនិធិមនុស្សធម៌សម្ដេច ស ខេង ជូនអ្នកក្រីក្រ នៅភូមិកោងស្រែ ឃុំល្វេ ស្រុកស៊ីធរកណ្តាល ចំនួន ២៨គ្រួសារ។
ពិធីចែកនេះមានវត្តមានចូលរួមពី លោក ម៉ននី បណ្ឌិត អភិបាលស្រុកស៊ីធរកណ្ដាល មន្ត្រីសាលាស្រុក ក្រុមប្រឹក្សាឃុំល្វេ មេភូមិ និងអ្នកដែលពាក់ព័ន្ធផងដែរ។
ថ្លែងទៅបងប្អូនប្រជាពលរដ្ឋនាឱាសនោះឯកឧត្តម កង សុខន ប្រធានក្រុមការងារស្រុកស៊ីធរកណ្តាល បានមានមតិសាកសួរសុខទុក្ខ សំណេះសំណាលប្រកបដោយភាពរីករាយ ព្រមទាំងផ្ញើក្ដីនឹករលឹកពីថ្នាក់ដឹកនាំរាជរដ្ឋាភិបាលពិសេសសម្ដេច ក្រឡាហោម ស ខេង ប្រធានក្រុមការងារខេត្តព្រៃវែង និងជា ប្រធានមូលនិធិ ស ខេង ។
ក្រោយអំពីការសំណេះសំណាលចប់ក្រុមការងារក៏បានប្រគល់ថវិកាមូលនិធិសម្ដេច ស ខេង ដល់ប្រជាពលរដ្ឋក្រីក្រ ទុរគតជន ចាស់ជរា សរុបចំនួន២៨គ្រួសារ ផងដែរ។
តំណាងបងប្អូនគ្រួសារក្រីក្រ មានក្ដីត្រេកអរឥតឧបមាក្រៃលែងនិងសូមគោរពថ្លែងនូវអំណរគុណ យ៉ាងជ្រាលជ្រៅចំពោះសម្ដេច ស ខេង និងក្រុមការងារ ឯកឧត្តម កង សុខន អគ្គស្នងការរងនគរបាលជាតិ និងជាប្រធានក្រុមការងារប្រចាំស្រុក លោកអភិបាលស្រុក ដែលបានយកចិត្តទុកដាក់គិតគូរដល់សុខទុក្ខ ផ្គត់ផ្គង់ ទាំងស្មារតីនិងថវិកា ទោះបីវាបន្តិចបន្តួចតែវាអាចដោះស្រាយជីវភាពបានមួយចំណែក និង កាត់បន្ថយភាពក្រីក្របានមួយកម្រិត៕
ចំនួនអ្នកទស្សនា
- ថ្ងៃនេះ7091
- ម្សិលមិញ7271
- សប្តាហ៍នេះ26561
- ខែនេះ14371
- ឆ្នាំនេះ997591
- សរុប20225037