ឯកឧត្តម ម៉ៅធនិន បានអញ្ចើញជួបសំណេះសំណាលជាមួយមន្ត្រីរាជការ នៅក្នុងសាលាខេត្ត និងមន្ទីរអង្គភាពជុំវិញខេត្ត
16-March-2016 | ដោយ មែន កំសត់
ពោធិសាត់ ៖ ឯកឧត្តម ម៉ៅ ធនិន អភិបាលខេត្តពោធិសាត់បានអញ្ចើញជួបសំណេះសំណាលជាមួយមន្ត្រីស៊ីវិល មន្ត្រីជាប់កិច្ចសន្យាបុគ្គលិកអណ្តែត នៅក្នុងសាលាខេត្ត និង មន្ទីរអង្គភាពជុំវិញខេត្តនិងគរុសិស្សសរុបចំនួន ១២៥០នាក់ ដែលពិធីនេះបានប្រារព្ធធ្វើនៅលើបុរីវប្បធម៌កោះសំពៅមាស ខេត្តពោធិសាត់កាលពីថ្ងៃទី១៥ខែ មីនា ឆ្នាំ ២០១៦ ។
លោក ភុំ ថាយ ប្រធានការិយាលយ័ក្របខណ្ឌនិងបណ្តុះបណ្តាល នៃមន្ទីរមុខងារសាធារណ:បានជំរាបជូន អំពីក្របខណ្ឌមន្ត្រីរាជការដែលមាននៅក្នុងខេត្តពោធិសាត់សរុបមាន ចំនួន៥៤៤៣នាក់ ក្នុងនោះមន្ត្រីជាស្ត្រីសរុបចំនួន២១៦៣នាក់ ក្នុងមន្ត្រីរាជការដែលមានកាំប្រាក់ប្រភេទក ៦៥៧នាក់ ស្រីចំនួន១៥៤នាក់ កាំប្រាក់ប្រភេទ ខ ២២០១នាក់ស្ត្រីមានចំនួន៧៧៥នាក់ កាំប្រាក់ប្រភេទគ មានចំនួន២៥៥៥នាក់ក្នុងនោះស្ត្រី១២៣៤ ក្រៅពីមន្ត្រីរាជការស៊ីវិល មានក្រុមប្រឹក្សាខេត្តសរុបចំនួន ១៥រូប ស្ត្រីចំនួន០១រូប ក្រុមប្រឹក្សាក្រុងស្រុកសរុបចំនួន ៤៨រូប ស្ត្រីមានចំនួន ១០រូប ក្រុមប្រឹក្សាឃុំសង្កាត់សរុបមានចំនួន៣៤៣រូបស្ត្រីមានចំនួន៦១រូប និងកងកម្លាំងប្រដាប់អាវុធទាំងបីប្រភេទសរុបចំនួន១៩៩៨ រូប និងមន្ត្រីកិច្ចសន្យាតាមបណ្តាមន្ទីរនិង អង្គភាពសរុបចំនួន ៣១១នាក់ និងបុគ្គលិកអណ្តែតចំនួន ១៩៦នាក់ ។
ឯកឧត្តម ម៉ៅ ធនិន បានមានប្រសាសន៏ ក្នុងនាម ឯកឧត្តម ប្រធានក្រុមប្រឹក្សាខេត្ត និងក្នុងនាមឯកឧត្តមផ្ទាល់ មានសេចក្តីសោមនស្សរីករាយជាទីបំផុត ដោយបានអញ្ជើញមកជួបសំណេះសំណាលជាមួយមន្ត្រីរាជការស៊ីវិលយើងនៅតាម អង្គភាពបណ្តាមន្ទីរជុំវិញខេត្តនៅក្នុងថ្ងៃនេះជាយូរណាស់មកហើយ កន្លងឯកឧត្តមបានជួបសំណេះសំណាលជាមួយគ្រូបង្រៀន អ្នកម៉ូតូឌុប មន្ត្រីរាជការចូលសោធន៏និវត្តន៏ ប៉ុន្តែឯកឧត្តម នៅចន្លោះមិនទាន់បានជួបជាមួយមន្ត្រីរាជការស៊ីវិលរបស់យើង ។
ឯកឧត្តម ស៊ុយ សែម ប្រធានក្រុមការងារចុះជួយខេត្តពោធិ៍សាត់ និង ឯកឧត្តម ខូយ សុខាប្រធានក្រុមប្រឹក្សាខេត្ត តែងតែបានយកចិត្តទុកដាក់ និងមានការគិតគូរខ្ពស់ចំពោះជីវភាពរស់នៅរបស់មន្ត្រីរាជការនិង បងប្អូនប្រជាពលរដ្ឋទាំងអស់នៅក្នុងខេត្តពោធិសាត់យើងនេះ ។ ទីមួយឯកឧត្តម ប្រើប្រាស់ក្នុងនាមជាយន្តការនៃការដឹកនាំខេត្ត ទីពីរ គឺចូលរួមជាសមាជិកគ្រប់ក្រុមគ្រួសារមន្ត្រីរាជការទាំងអស់នៅក្នុង ខេត្តសុទ្ធសឹងជាក្រុមគ្រួសារតែមួយដែលថ្ងៃនេះក៏មានមន្ត្រីរាជការ ទាំងអស់ដែលបានអញ្ជើញមកពីគ្រប់អង្គភាពជំនាញទាំងអស់។ ទាក់ទងនិងកាំប្រាំ ដែលជាបៀបវត្សរ៏សម្រាប់ សម្រាប់សម្រួលរាល់ជីវភាពរស់នៅរបស់មន្ត្រីរាជការ ដែលជាគិតគូរមួយដ៏ខ្ពស់បំផុត របស់សម្តេចអគ្គមហាសេនាបតីតេជាហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទាក់ទងនិងមុខងារមុខតំណែង ឯកឧត្តម តែបានប្រកាន់ខ្ជាប់
មិនកើតឡើងដោយបក្សពួកនិយមនោះទេ តែវាកើតឡើងពីក្តីស្រឡាញ់ពីមន្ត្រីរាជការ នៅក្រោមវាទហើយម្យ៉ាងវិញទៀត បើធ្វើមេត្រូវតែមានព្រហ្មវិហារទាំងបួនទៅលើកូនចៅ និយាយឲ្យខ្លីបើធ្វើមេត្រូវមានទឹកដោះឲ្យកូនបៅ និង មានសិល្ប:វប្បធម៌នៃការចែករំលែក ឲ្យកូនចៅនៅក្រោមបង្គាប់បានរស់ផង ៕
ចំនួនអ្នកទស្សនា
- ថ្ងៃនេះ7331
- ម្សិលមិញ7271
- សប្តាហ៍នេះ26801
- ខែនេះ14611
- ឆ្នាំនេះ997831
- សរុប20225277