លោក ម៉ននី បណ្ឌិត រៀបចំកិច្ចប្រជុំ គណៈបញ្ជាការឯកភាពរដ្ឋបាលស្រុក
17-March-2016 | ដោយ មែន កំសត់
ព្រៃវែង ៖នា ព្រឹក ថ្ងៃទី ១៦ មីនា ឆ្នាំ ២០១៦ នៅសាលាស្រុកស៊ីធរកណ្ដាល បានរៀបចំកិច្ចប្រជុំប្រចាំខែមីនារបស់គណៈបញ្ជាការឯកភាពរដ្ឋបាលស្រុក ក្រោមអធិបតីភាព លោក ម៉ននី បណ្ឌិត អភិបាលស្រុក និង ជាប្រធានគណៈ បញ្ជាការឯកភាព រដ្ឋបាលស្រុក។
កិច្ចប្រជុំនេះមានវត្តមានចូលរួមពីលោក លោកស្រីជា អភិបាលរង មន្ត្រីសាលាស្រុក ការិយាល័យជុំវិញ សាលាស្រុក អធិការនគរបាលស្រុក អាវុធហត្ថស្រុក បញ្ជាការសឹករងស្រុក លោកមេឃុំ នាយប៉ុស្តិ៍នគរបាលរដ្ឋបាលឃុំ ផងដែរ។
ក្រោយពីស្ដាប់របាយការណ៍របស់ថ្នាក់ឃុំ ប៉ុស្តិ៍ ភូមិ ជុំវិញបញ្ហាប្រឈមនិងតម្រូវការចាំបាច់ លោក ម៉ននី បណ្ឌិតប្រធានគណៈបញ្ជាការឯកភាពនិង ជា អភិបាលស្រុក បានមានមតិ និងដាក់ផែនការជូនដល់បណ្ដាអង្គភាពដើម្បីអនុវត្តន៍បន្ត គឺត្រូវយកចិត្តទុកដាក់លើការងារសន្តិសុខសណ្ដាប់ធ្នាប់សាធារណៈ ការបម្រើសេវា សាធារណៈជូនប្រជាពលរដ្ឋនៅមូលដ្ឋាន ការយកចិត្តទុកដាក់កិច្ចអភិវឌ្ឍន៍ ការចុះប្រជុំផ្សព្វផ្សាយឲ្យបានទូលាយនូវគោលការណ៍ច្បាប់ ពិសេស គ្រោះថ្នាក់ចរាចរណ៍ ការងាររដ្ឋបាលលិខិតស្នាមមានសៀវភៅគ្រួសារ អត្តសញ្ញាណបណ្ណនិងអត្រានុកូលដ្ឋានតាមកម្រៃសេវាច្បាប់ រាល់ចំណុចអសកម្មភាពត្រូវធ្វើការកែតម្រូវ ដើម្បីចូលរួមកិច្ចអភិវឌ្ឍន៍និងកាត់បន្ថយភាពក្រីក្រនៅក្នុងមូលដ្ឋាន៕
អត្ថបទដោយ៖ សីហា
ចំនួនអ្នកទស្សនា
- ថ្ងៃនេះ7251
- ម្សិលមិញ7271
- សប្តាហ៍នេះ26721
- ខែនេះ14531
- ឆ្នាំនេះ997751
- សរុប20225197