លោកស្រី ស៊ឹម សុគន្ធារី នាំយកអំណោយប្រគល់ជូនគ្រួសារមានជីវភាពក្រីក្រ
17-March-2016 | ដោយ មែន កំសត់
ព្រៃវែង ៖ នាព្រឹកថ្ងៃទី ១៦ ខែមីនា ឆ្នាំ ២០១៦ លោកស្រី អ៊ុក មាសសូលីណា នាយិកាសាខា បានចាត់តាំង លោកស្រី ស៊ឹម សុគន្ធារី មន្ត្រីការិយាល័យសុខភាព និង គ្រប់គ្រងគ្រោះមហន្តរាយសាខាកាកបាទក្រហម ស្រុកព្រះស្តេច ខេត្ត ព្រៃវែង។
ការចុះសាកសួរសុខទុក្ខនេះ មានការចូលរួមពី មន្ត្រីការិយាល័យសុខភាព សាខាកាកបាទក្រហម ស្រុក តំណាងអាជ្ញាធរ ឃុំ អ្នកស្ម័គ្រចិត្ត ឃុំ ភូមិ មេភូមិ។
នាឱកាសនោះលោកស្រី ស៊ឹម សុគន្ធារី មន្ត្រីការិយាល័យសុខភាព និង គ្រប់គ្រងគ្រោះមហន្តរាយសាខាកាកបាទក្រហម ស្រុកព្រះស្តេច ខេត្តព្រៃវែង បានមានមតិ សំណេះសំណាលទៅកាន់គ្រួសារប្អូនស្រី ពៅ ស្រីមី អាយុ ១៦ឆ្នាំ ដែលមានជីវភាពក្រីក្រ មានជម្ងឺប្រចាំកាយ សព្វថ្ងៃរស់នៅ ភូមិវាល ឃុំកំពង់សឹង និង បានសម្ដែងនូវក្ដី អាណិត អាសូរ ព្រមទាំងបានបួងសួងសូមឲ្យប្អូនស្រី ឆាប់ជាសះស្បើយពីរោគា ទាំងពួងចាប់ពីពេលនេះតទៅ។
រួមជាមួយគ្នាលោកស្រី ស៊ឹម សុគន្ធារី តំណាង មន្ត្រីអនុសាខាកាកបាទក្រហម ស្រុកព្រះស្តេច បាននាំយកថវិកា របស់លោកឧកញ៉ា ស៊ុយ គឹមលី សមាជិកបំរុងគណៈកម្មាធិការសាខា ចំនួន ២០០,០០០រៀល ជូនដល់ប្អូនស្រី សម្រាប់យកទៅប្រើប្រាស់ និងដោះស្រាយព្យាបាលជម្ងឺ ផងដែរ៕
ចំនួនអ្នកទស្សនា
- ថ្ងៃនេះ7271
- ម្សិលមិញ7271
- សប្តាហ៍នេះ26741
- ខែនេះ14551
- ឆ្នាំនេះ997771
- សរុប20225217