​កណ្តាល ៖ នៅ​រសៀល​ថ្ងៃទី ១៦​ខែ មិនា​ឆ្នាំ ២០១៦ គណៈកម្មាធិការ អតីតយុទ្ធជន ពលី​ពិការ​ក្រុង​តាខ្មៅ ដឹកនាំ​ដោយ លោក​ជុន សុជាតិ ប្រធាន​ក្រុមប្រឹក្សា ក្រុង​តាខ្មៅ​បាន​ទៅ​ចូលរួម​រំលែក​មរណទុក្ខ​បុណ្យសព លោក ជា វ៉ាន់​ថា មន្ត្រី ចូលនិវត្តន៍ មាន​ទីលំនៅ ភូមិ​តាខ្មៅ ៣ សង្កាត់​តាខ្មៅ និង បាន​ប្តូរ​ទីលំនៅ ទៅ​រស់នៅក្នុង ឃុំ​ស្វាយ​រលំ ក្រុង​តាខ្មៅ ខេត្តកណ្តាល​។​


​ក្រុមការងារ​ចូលរួម មរណទុក្ខ​នេះ​មាន លោក លោកស្រី​ជា​សមាជិក​សមាជិកា​គណៈ​ក​ម្មា​ធិ​ការ អតីតយុទ្ធជន​ពលី​ពិការ អាវុធហត្ថក្រុង  អធិការនគរបាលក្រុង ក្រុមប្រឹក្សា​សង្កាត់ មេភូមិ ផងដែរ​។​

​នាឱកាស​នោះ លោក​ជុន សុជាតិ ប្រធាន​ក្រុមប្រឹក្សា ក្រុង​តាខ្មៅ​បាន​សម្ដែង​នូវ​ក្ដី​មរណទុក្ខ​យ៉ាង ក្រំ ចំពោះ​គ្រួសារ​នៃ​សព នាឱកាស​នោះ​ក្រុមការងារ បាន​នាំយក​អំណោយ នូវ​ថវិកា​ចំនួន ៤ ០០០ ០០០ រៀល ក្នុងនោះដែរ គណបក្ស​ប្រជាជន សង្កាត់​តាខ្មៅ ក៍បាន​ចូលរួម ថវិកា​ចំនួន ១០០ ០០០ រៀល និង អង្ករ​ចំនួន ៥០ គីឡូក្រាម ទៀតផង​៕
​