លោកម៉ននី បណ្ឌិត យកមូលនិធិ សម្ដេច សខេង ប្រគល់ជូនសពគ្រួសារក្រីក្រនៅ ឃុំល្វេស្រុកស៊ីធរកណ្ដាល
17-March-2016 | ដោយ មែន កំសត់
ព្រៃវែង ៖ នៅរសៀលថ្ងៃទី១៧ខែមីនា ឆ្នាំ២០១៦ លោកម៉ននី បណ្ឌិត អភិបាលនៃ គណៈអភិបាលស្រុកស៊ីធរកណ្ដាល បានចុះចែកមូលនិធិមនុស្សធម៍ ស ខេង ជូនដល់គ្រួសារ ដែលមានសមាជិកទទួលមរណភាព ចំនួន២គ្រួសារដល់ផ្ទះ ស្ថិតនៅភូមិ អំបែងចេះ ឃុំល្វេ ស្រុកសីធរកណ្តាល ខេត្ត ព្រៃវែង។
ក្នុងពិធីនោះមានការចូលរួមពីលោក សមាជិកក្រុមប្រឹក្សាឃុំ មន្ត្រីសាលាស្រុក មេភូមិផងដែរ។ថ្លែងទៅកាន់គ្រួសារសពទាំង២នាឱកាសនោះ លោកម៉ននី បណ្ឌិត អភិបាលនៃ គណៈអភិបាល ស្រុក ស៊ីធរកណ្ដាល បានសម្ដែងនិងចូលរួមនូវមរណទុក្ខយ៉ាងក្រៀមក្រំចំពោះគ្រួសារសព ទន្ទឹមនឹងនោះលោកអភិបាល និង ក្រុមការងារ បានពាំនាំនូវមូលនិធិមនុស្សធម៌ សម្ដេច សខេង ឧបត្ថម្ភដល់គ្រួសារសព ក្នុង១គ្រួសារ ថវិកា ២០០,០០០រៀល និង លិខិតរំលែកទុក្ខ១សន្លឹកផងដែរ។
តំណាងគ្រួសារសពទាំង២បានសម្ដែងនូវអំណរគុណ ចំពោះលោក អភិបាល និង ក្រុមការងារដែលបានចំណាយពេលមកចូលរួម និង ផ្ដល់ថវិកាដល់គ្រួសារពួកគាត់ និងបានសូមប្រសិទ្ធពរបវរប្រសើរជូនដល់ លោកអភិបាលស្រុក និង ក្រុមការងារសូមជួបតែសេចក្ដីសុខគ្រប់ប្រការ និង សម្រេច ជោគជ័យ ការងារតាមការចាត់តាំងរបស់ រាជរដ្ឋាភិបាល៕
អត្ថបទដោយ៖ CHHORN SEIHA
ចំនួនអ្នកទស្សនា
- ថ្ងៃនេះ7291
- ម្សិលមិញ7271
- សប្តាហ៍នេះ26761
- ខែនេះ14571
- ឆ្នាំនេះ997791
- សរុប20225237