ភ្នំពេញ ៖  ​នៅ​ថ្ងៃទី​១៥ ខែមីនា ឆ្នាំ​២០១៦​គណៈបញ្ជាការ​ឯកភាព​រដ្ឋបាល ខណ្ឌ​៧​មករា ​ដឹកនាំ​ដោយ​លោក លីម សុភា អភិបាលខណ្ឌ​បាន យក​អំណោយ​ជា​ថវិកា​ជូន លោក​អនុសេនីយ៍ទោ លឹម សូ​ផន នាយរង​ផ្នែក​សណ្តាប់ធ្នាប់ ដែល​បាន​គ្រោះថ្នាក់​ចរាចរណ៍ ហើយ​សំរាក​ព្យាបាល​នៅ​មន្ទីរពេទ្យ​កាល់ម៉ែត​។​

 ពិធី​នេះ​មានការ​ចូលរួម ពី​លោក កៀង ល័​ក្ស អភិបាលរងខណ្ឌ  លោក ហៀក ចាន់​លាង អភិបាលរងខណ្ឌ  លោក​វរសេនីយ៍ត្រី ហ៊​ន វិបុល អធិការរង តំណាងអោយ​លោក​វ​រស​នី​យ៍​ឯក នេ​ត ស៊ីថុន អធិការនគរបាល​ខ​ណ្ឌ ៧ មករា ,​លោក​អនុសេនីយ៍ទោ ង៉ែត សារុន នាយរង​ផ្នែក​សណ្តាប់ធ្នាប់ និង លោក​អនុសេនីយ៍ទោ ហ៊ុន សំអឿន នាយរង​ផ្នែក​សេនាធិការ ខណ្ឌ​។​    ​


  នាឱកាស​នោះ លោក លីម សុភា អភិបាលខណ្ឌ  បាន​សម្ដែង​នូវ​ទឹកចិត្ត អាណិតអាសូរ ចំពោះ​អនុសេនីយ៍ទោ លឹម សូ​ផន នាយរង​ផ្នែក​សណ្តាប់ធ្នាប់ ដែល​បាន​គ្រោះថ្នាក់​ចរាចរណ៍ ហើយ​សំរាក​ព្យាបាល​នៅ​មន្ទីរពេទ្យ​កាល់ម៉ែត ក្នុងនាម​បុព្វហេតុ​ការពារជាតិ និង​ភារកិច្ច ដែល​រូប​នាយ​នគរបាល​ក្នុងការ​បំពេញ ប្រតិបត្តិការ តែ​អកុសល ក៏ត្រូវ​ជួប​គ្រោះថ្នាក់​ចរាចរណ៍​នេះ ។

​ទន្ទឹមនឹង​ការចុះ​សាកសួរ​នេះ​ផងដែរ ក្រុមការងារ​បាន​ពាំនាំ​និង​ឧបត្ថម្ភ​ថវិកា ចំនួន ៥០០$ ( ប្រាំ​រយ​ដុល្លា​អា​មេ​រិច ) ព្រមទាំង​ថវិកា​របស់លោក​អធិការ និង​សហការី ចំនួន ៨០០,០០០៛ ( ប៉ែតសិប​ម៉ឺន​រៀល ) ជូន​ដល់ លោក​លឹម​សូ ផន ដើម្បី​យក​ដោះស្រាយ និង​ប្រើប្រាស់​ព្យាបាល​ជម្ងឺ​ទៀតផង​៕

អត្ថបទដោយ៖ សីហា
​