ប្រតិភូ ក្រុមការងារ ខណ្ឌ៧មករា ចុះសាកសួរសុខទុក្ខ វរៈកងទ័ព តំបន់ប្រាសាទព្រះវិហារ
19-March-2016 | ដោយ មែន កំសត់
ភ្នំពេញ ៖ នៅល្ងាចថ្ងៃទី ១៨ ខែមីនា ឆ្នាំ២០១៦ លោក សោម សុវណ្ណ ប្រធានក្រុមប្រឹក្សា ខណ្ឌ៧មករា និង លោក លីម សុភា អភិបាល នៃគណៈ អភិបាលខណ្ឌ ៧មករា បានដឹកនាំមន្ត្រីក្រោមឱវាទ ចុះជួបសំណេះសំណាល និង សួរសុខទុក្ខបងប្អូនកងទ័ព និង គ្រួសារកងទ័ព ដែលបានចង សម្ព័ន្ធមេត្រីយភាព នៅតំបន់ប្រាសាទព្រះវិហារ ជាមួយវរសេនាតូចអន្តរាគមន៍លេខ ៣៩៣ នៃកងពលតូចអន្តរាគមន៍លេខ ៩ នៃកងពលធំលេខ ៣ ស្ថិតក្នុង ភូមិសែនរុងរឿង២ ឃុំទឹកក្រហម ស្រុកជាំក្សាន្ត ខេត្តព្រះវិហារ។
ពិធីសំណេះសំណាលនេះ មានការចូលរួមពី លោក លោកស្រី អភិបាលរង ខណ្ឌ សមាជិក្រុមប្រឹក្សាខណ្ឌ ក្រុមការងារយុវជន ខណ្ឌ សង្កាត់ និង មន្ត្រីរួមដំណើរ ជាច្រើននាក់ផងដែរ។
នាឱកាសនោះ លោក សោម សុវណ្ណ ប្រធានក្រុមប្រឹក្សា ខណ្ឌ៧មករា និង លោក លីម សុភា អភិបាល នៃគណៈអភិបាលខណ្ឌ ៧មករា មានសម្ដែង គារវកិច្ច ស្វាគមន៍យ៉ាងកក់ក្ដៅ ចំពោះ វរៈកងទ័ព ជួរមុខ និង ក្រុមគ្រួសារ ដែលខិតខំលះបង់ចិត្ត កាយចូលរួម ការពារបូរណភាព ដែនដី មិនឲ្យមានពួកទាហានថៃធ្វើការ រំលោភបំពាន នេះជាបុព្វហេតុ និងគុណូបការៈ ដ៏ធំធេងសម្រាប់ ប្រជាជាតិខ្មែរ ។
បន្ទាប់ពីការសំណេះសំណាល និង សាកសួរសុខទុក្ខ ចប់ ដើម្បីជាកិច្ចតបស្នង និងការដឹងគុណ លើកទឹកចិត្ត ដល់វរៈកងទ័ព ក្រុមការងារ សាលាខណ្ឌ បានពាំនាំនូវសម្ភារៈ ថវិកាឧបត្ថម្ភ សរុប ថវិកាអស់ ១៥.៥០០ ០០០រៀល (ដប់ប្រាំលាន ប្រាំសែនរៀលគត់) ដោយ ក្នុងមួយគ្រួសារថវិកា ២០,០០០រៀល និង កងកម្លាំងចំនួន២០,០០០រៀល ក្នុងម្នាក់ សរុបថវិកា៨,០០០,០០០រៀល ចែកកុមាតូចៗ ១០០,០០០រៀល សង្ក័សី ស៊ីម៉ងត៍ ៤,៥០០, ០០០រៀល ជូនអង្គភាព ២០០ ,០០០រៀល) រួមទាំងសម្ភារៈ មួយចំនួនមាន ប្រេង៥០០លីត្រ មី២០០កេស ទឹកត្រី៦៥យួរ ទឹកស៊ីអ៊ីវ ៥០ យួរ បារីសេក ៧ សុង និង ថវិកា សម្រាប់ ចំណាយ ជីកស្រះចំនួន ៧០០ដុល្លា ផងដែរ៕
ដោយ៖ សីហា
ចំនួនអ្នកទស្សនា
- ថ្ងៃនេះ6301
- ម្សិលមិញ7271
- សប្តាហ៍នេះ25771
- ខែនេះ13581
- ឆ្នាំនេះ996801
- សរុប20224247