ប្រតិភូ៣អង្គភាពខណ្ឌព្រែកព្នៅ ខណ្ឌពោធិ៍សែនជ័យនិង មន្ទីរសាធារណៈការ រាជធានីភ្នំពេញ ចុះសួរសុខទុក្ខកងនគរបាលការពារព្រំដែនខេត្តព្រះវិហារ
19-March-2016 | ដោយ មែន កំសត់
ភ្នំពេញ ៖ ប្រតិភូ ៣ អង្គភាព ដែលមាន លោក សុខ សម្បត្តិ អភិបាលខណ្ឌព្រែកព្នៅ លោកហែម ដារិទ្ធ អភិបាលខណ្ឌពោធិ៍សែនជ័យ ព្រមទាំង លោក សាំ ពិសិដ្ឋ ប្រធានមន្ទីរសាធារណៈការរាជធានីភ្នំពេញ នារសៀលថ្ងៃទី ១៨ ខែមីនា ឆ្នាំ២០១៦នេះ បានដឹកនាំគណៈប្រតិភូចុះសួរសុខទុក្ខកងនគរបាលការពារព្រំដែនវរៈសេនាតូចលេខ ៧៩៣ កំពុងឈរជើងនៅចំណុចច្រកអានសេស ឃុំជាំក្សាន្ត ស្រុកជាំក្សាន្ត ខេត្តព្រះវិហារ។
ក្នុងការចុះទៅនេះគណៈប្រតិភូយើងបាននាំយកនូវអំណោយជាគ្រឿងឧបភោគ បរិភោគ ថ្នាំពេទ្យ និងថវិកាមួយចំនួនទៅចែកជូនដល់មន្ត្រីនគរបាល គ្រួសារនគរបាលដែលរស់នៅតំបន់នោះ ដើម្បីជាការផ្សាភ្ជាប់រវាងបងប្អូនកងកំលាំងសរមភូមិមុខ និងបងប្អូនសរមភូមិក្រោយ ម្យ៉ាងវិញទៀតសបញ្ជាក់ឲ្យឃើញថា អ្នកនៅសមរភូមិក្រោយតែងតែនឹករលឹកដល់បងប្អូនជាកងកំលាំងនៅឯសមរភូមិមុខ និងចង់ដឹងអំពីសុខទុក្ខរបស់កងកំលាំងយើងគ្រប់ពេលវេលា។ អំណោយដែលនាំយកទៅចែកជូននាឱកាសនោះរួមមាន៖ មី ១៥០កេស ទឹកស៊ីអ៊ីវ ៦០យួរ ទឹកត្រី ៦០យួរ .ត្រីខ ៩កេសធំ ទឹកក្រូច ៦០កេស ទឹកបរិសុទ្ធ ៦០កេស ៧.ល្ពៅ-ត្រឡាច ២ការុងធំ ថ្នាំពេទ្យ ៩កេស.ឧបករណ៍ GPS ចំនួន ១គ្រឿង ព្រមទាំងថវិកាសរុប ២៣លាន ១សែន ៦ម៉ឺនរៀល។
ឆ្លៀតនាឱកាសនោះលោកអភិបាលខណ្ ឌពោធិ៍សែនជ័យ បានផ្តល់ថវិកាបន្ថែមដល់យុទ្ធនារីចំនួនពីរនាក់ ដែលក្នុងម្នាក់ៗទទួលបាន ១០ម៉ឺនរៀល ដើម្បីជាការលើទឹកចិត្ត និងអាណិតស្រាញ់ដល់ពួកគាត់ ៕
អត្ថបទ៖ លោក សីហា
ចំនួនអ្នកទស្សនា
- ថ្ងៃនេះ6561
- ម្សិលមិញ7271
- សប្តាហ៍នេះ26031
- ខែនេះ13841
- ឆ្នាំនេះ997061
- សរុប20224507