ប្រតិភូ សាលាខណ្ឌដង្កោ និង ខណ្ឌ សែនសុខ បានចុះសួរសុខទុក្ខ និងនាំយកអំណោយទៅចែកជូនដល់កងទ័ព នៅវរសេនាតូច ខេត្តព្រះវិហារ
19-March-2016 | ដោយ មែន កំសត់
ភ្នំពេញ ៖ នៅរសៀលថ្ងៃទី១៨ ខែមីនា ឆ្នាំ២០១៦ ប្រតិភូសាលាខណ្ឌដង្កោ ដឹកនាំដោយលោក នុត ពុធដារ៉ា អភិបាល នៃគណៈអភិបាលខណ្ឌដង្កោ និងប្រតិភូសាលាខណ្ឌសែនសុខ ដឹកនាំដោយ លោក លី សាវ៉េត អភិបាលខណ្ឌសែនសុខ បានចុះសួរសុខទុក្ខ និងនាំយកអំណោយទៅចែកជូនដល់កងទ័ព នៅវរសេនាតូចអន្តរាគមន៍លេខ៣៩៤ ចំណុះកងពលតូចអន្តរាគមន៍លេខ៩ ស្ថិតក្នុងស្រុកជាំក្សាន្ត ខេត្តព្រះវិហារ។
ពិធីសំណេះសំណាលនេះមានការចូលរួមពី លោក លោកស្រី អភិបាលរង ខណ្ឌ សមាជិក្រុមប្រឹក្សាខណ្ឌ ក្រុមការងារយុវជន ខណ្ឌ សង្កាត់ និង មន្រ្តីផ្សេងៗជាច្រើននាក់ផងដែរ។
ក្នុងឱកាសនោះ លោក នុត ពុធដារ៉ា អភិបាលខណ្ឌដង្កោ បានធ្វើការលើកឡើងអំពីការយកចិត្តទុកដាក់ និងប្រាស្រ័យទាក់ទងគ្នាយ៉ាងស្អិតរមួត និងជួយគ្នាទៅវិញទៅមក រវាងសមរភូមិមុខ និងសមរភូមិក្រោយ ហើយជារៀងរាល់ឆ្នាំសាលាខណ្ឌដង្កោ រួមនឹងសាលាខណ្ឌសែនសុខ ដែលជាខណ្ឌសម្ព័ន្ធភាពជាមួយនឹងវរៈសេនាតូចលេខ៣៩៤ នៅទិសព្រះវិហារ។
លោកអភិបាលក៏បានលើកឡើងបន្តថា៖កិច្ច អភិវឌ្ឍន៍រីកចម្រើនលើគ្រប់វិស័យ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជាមួយគ្នាលោកអភិបាល ក៏អំពីការយកចិត្តទុកដាក់របស់សម្តេចតេជោ នាយករដ្ឋមន្ត្រី ចំពោះការអភិវឌ្ឍន៍ខឿនការពារជាតិ ដែលជានិច្ចកាល សម្តេចតែងបានគិតគូរ និងយកចិត្តទុកដាក់ដល់ដើម្បីសុខសន្តិភាព ជូនប្រជាពលរដ្ឋកម្ពុជាទាំងមូល។
លោកអភិបាលខណ្ឌទាំងពីរបានថ្លែងបន្ថែមថា ៖ជារៀងរាល់ឆ្នាំគឺសាលាខណ្ឌទាំងពីរដែលជាខណ្ឌសម្ព័ន្ធភាពរបស់វរៈសេនាតូច លេខ៣៩៤ តែងតែមកសំណេះសំណាល និងនាំយកនូវសម្ភារៈ និងថវិកា មកផ្តល់ជូនដល់កងទ័ព ហើយដោះស្រាយនូវបញ្ហាប្រឈមនានាដែលជាសំណូមពររបស់វរៈសេនាតូចអន្តរាគមន៍លេខ ៣៩៤ផងដែរ។
ថវិកាដែលបានយកទៅឧបត្ថម្ភជូនដល់វរៈសេនាតូចលេខ៣៩៤ និងនាយទាហ៊ាន ពលទាហ៊ាន ក្នុងឱកាសនោះរួមមាន៖ឧបត្ថម្ភការស្ថាបនាផ្លូវចូលអគារចំនួន ០៤ របស់វរៈ៣៩៤ ថវិកា ១២.០០០.០០០រៀលឈូសឆាយព្រៃ សម្រាប់ធ្វើចម្ការរបស់កងទ័ព ថវិកា ៦.០០០.០០០រៀលឧបត្ថម្ភ មេបញ្ជាការ មេបញ្ជាការរង និងនាយទាហាន ពលទាហ៊ាន ថវិកា ២៥.៤០០.០០០រៀលឧបត្ថម្ភប្រេងម៉ាស៊ូត ចំនួន ១០០០លីត្រ ពូជបន្លែគ្រប់មុខ ចំនួន ៥៥គីឡូក្រាម គ្រឿងឧបភោគបរិភោគ មួយចំនួន ធំទៀត សរុបជាថវិកាប្រមាណ ៤៥.០០០.០០០រៀល៕
ដោយ៖ សីហា
ចំនួនអ្នកទស្សនា
- ថ្ងៃនេះ6281
- ម្សិលមិញ7271
- សប្តាហ៍នេះ25751
- ខែនេះ13561
- ឆ្នាំនេះ996781
- សរុប20224227