ក្រុមការងារអគ្គលេខាធិការដ្ឋានព្រឹទ្ធសភាចុះសួរសុខទុក្ខ និងជូនអំណោយដល់ស្ត្រីជមានម្ងឺឬសដូងបាត
20-March-2016 | ដោយ មែន កំសត់
ភ្នំពេញ ៖ នៅព្រឹកថ្ងៃទី១៩ ខែ មីនា ឆ្នាំ២០១៦ ក្រុមការងារអគ្គលេខាធិការដ្ឋានព្រឹទ្ធសភា ដឹកនាំដោយលោក សោម វុធ្ឋារិទ្ធ ប្រធាននាយកដ្ឋានរដ្ឋបាលអគ្គលេខាធិការដ្ឋានព្រឹទ្ធសភា លោក ណុប គុជ ប្រធាននាយកដ្ឋានអភិវឌ្ឍន៍ធនធានមនុស្សអគ្គលេខាធិការដ្ឋានព្រឹទ្ធសភាបានចុះសួរសុខទុក្ខ និងជូនអំណោយដល់ស្ត្រីឈ្មោះ កើ រ៉ាវី អាយុ ៤៥ឆ្នាំ ដែលទើបវះកាត់ជម្ងឺឬសដូងបាត នៅក្រុមទី២ ភូមិទី២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ពិធីនេះមានវត្តមានចូលរួមពី លោក កែវ សុភារី សមាជិកក្រុមប្រឹក្សាខណ្ឌ លោកស្រី សៅ ចន្ទ្រា លោក តុប សុធី លោក ថោង សោភ័ណ្ឌរិទ្ធ លោក ចេស វុទ្ធី លោក ណឹប សុគន្ធី លោក គឹម សុធា លោក ចិន ម៉ៅ និងយុវជនសង្កាត់ជ្រោយចង្វារ ជាច្រើនអ្នកផងដែរ។
ក្នុងឱកាសនោះក្រុមការងារ ប្រតិភូអមនិង ក្រុមការងារយុវជនសង្កាត់បានសម្ដែងនូវការអាណិតអាសូរចំពោះស្ត្រីឈ្មោះ កើ រ៉ាវី អាយុ ៤៥ឆ្នាំ ដែលទើបវះកាត់ជម្ងឺឬសដូងបាត នៅក្រុមទី២ ភូមិទី២ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ហើយកំពុងសម្រាកព្យាបាលនិងមិនមានថវិកាគ្រប់គ្រាន់ក្នុងការព្យាបាល។
ទន្ទឹមនឹងការសាកសួរសុខទុក្ខនាឱកាសនោះក្រុមការងារបាននាំយកអំណោយជូនរួមមាន៖ អង្ករ ១០គក្រ ទឹកត្រី០១យួរ ទឹកស៊ីអ៊ីវ០១យួរ ត្រីខ០១យួរ ទឹកបរិសុទ្ធ០១យួរ និងថវិកា ១០០.០០០រៀល ឯកឧត្តម ហួន ច័ន្ទចេស្តា ថវិកា ២០.០០០រៀល លោក កែវ សុភារី ក្រុមប្រឹក្សាខណ្ឌ ថវិកា ៤០.០០០រៀលផងដែរ៕
ចំនួនអ្នកទស្សនា
- ថ្ងៃនេះ6481
- ម្សិលមិញ7271
- សប្តាហ៍នេះ25951
- ខែនេះ13761
- ឆ្នាំនេះ996981
- សរុប20224427