លោក ម៉ននី បណ្ឌិតចុះចែកអត្តសញ្ញាណបណ្ណ សញ្ជាតិ ខ្មែរ ដល់ប្រជាពលរដ្ឋ នៅឃុំ ពោធិ៍ទី
20-March-2016 | ដោយ មែន កំសត់
ព្រៃវែង៖ ដោយសារមានការយកចិត្តទុកដាក់ និង ការគិតគូរ ដល់ប្រ ជាពលរដ្ឋដើម្បី បានដឹង បានយល់នូវ តម្រូវការចាំបាច់ក៏ដូចជាការងារ ប្រឈមនានា ក្នុងមូលដ្ឋានស្រុកនោះ ទើប នៅរសៀលថ្ងៃទី១៩ខែមីនា ឆ្នាំ២០១៦ លោក ម៉ននី បណ្ឌិត អភិបាល នៃគណៈអភិបាលស្រុកស៊ីធរ កណ្ដាល បាន ចុះចែកអត្តសញ្ញាណបណ្ណសញ្ជាតិ ខ្មែរ ដល់ផ្ទះប្រជាពលរដ្ឋ នៅឃុំ ពោធិ៍ទី ស្រុកស៊ីធរកណ្តាល ខេត្ត ព្រៃវែង ។
ពិធីចែក អត្តសញ្ញាណបណ្ណ នេះមានវត្តមានចូលរួម ពី មន្ត្រី សាលាស្រុក អធិការនគរបាលស្រុក ក្រុមប្រឹក្សាឃុំ មន្ត្រី ប៉ុស្តិ៍នគរបាលរដ្ឋបាល ឃុំ មេភូមិ ។
ថ្លែងទៅកាន់បងប្អូនប្រជាពលរដ្ឋ នាឱកាសនោះដែរ លោក ម៉ននី បណ្ឌិត អភិបាល នៃគណៈ អភិបាលស្រុកស៊ីធរ កណ្ដាល បានមានមតិ សំណេះសំណាល ទៅកាន់បងប្អូន ប្រកបដោយ ភាពរីករាយនិង ទឹកមុខញញឹម កក់ក្ដៅ និង ស្និទ្ធស្នាលជាទីបំផុត ។
ក្រៅពីការសំណេះសំណាល លោក អភិបាលស្រុក និងក្រុមការងារ ក៏បានធ្វើការចែកនូវ អត្តសញ្ញាណបណ្ណ សញ្ជាតិខ្មែរ គំរូថ្មី នៅតាមខ្នងផ្ទះ ជូនប្រជាពលរដ្ឋ នៅក្នុង ឃុំពោធិ៍ទីហើយ លោក ក៏បានណែនាំនៅពេលដែលទទួលបាន អត្តសញ្ញាណត្រូវ ពិនិត្យ លើទិន្នន័យ ឲ្យបានត្រឹមត្រូវ ករណីមានខុសអក្ខារាវិរុទ្ធ ស្នើទៅប៉ុស្ដិ៍នគរបាលដើម្បី ផ្ញើទៅកាន់អធិការស្រុក ផ្នែកជំនាញធ្វើការកែតម្រូវ ហើយត្រូវរក្សាទុកឲ្យបានគង់វង្ស ដើម្បីប្រើប្រាស់ ព្រោះវាជាឯកសារសំគាល់ គតិយុត្តិ មានសុពលភាពរយៈពេល១០ឆ្នាំ បើមានការបាត់បង់ដោយប្រការណាមួយ ត្រូវដាក់ពាក្យបណ្ដឹងទៅកាន់ប៉ុស្តិ៍ ឬអាជ្ញាធរ នៅកន្លែងដែលយើងបាត់ ដើម្បីចៀសវាង មានការប្រព្រឹត្ត ល្មើស នានាវាជាប់ពាក់ព័ន្ធ ហើយសាម៉ីជន មិនបានដឹង ។
លើសពីនេះទៅទៀត៖លោក ក៏បានសំណូមពរ ដល់បងប្អូន មេត្តាចូលរួម លើការងារភូមិ ឃុំមានសុវត្ថិភាព ការគោរពច្បាប់ចរាចរណ៍ ប្រសិនបើមានបញ្ហាអ្វីកើតឡើងត្រូវ ទំនាក់ទំនងសហការជាមួយអាជ្ញាធរ ដើម្បីមានវិធានការ ជួយអន្តរាគមន៍ ដោះស្រាយទាន់ពេល វេលា។
នាឱកាសនោះដែរដើម្បី ឆ្លើយតបទៅកាន់ក្រុមការងារ សាលាស្រុក លោកអភិបាលស្រុក ប្រជាពលរដ្ឋ មានការត្រេកអរ និង រីករាយ យ៉ាងក្រៃលែងចំពោះថ្នាក់ដឹកនាំ ស្រុក ដែលតែងតែគិតគូរសុខទុក្ខ ហើយជាក់ស្ដែងដូច ជាការ យកអត្តសញ្ញាណបណ្ណ មកប្រគល់ជូនពួកគាត់ ដល់ផ្ទះនាពេលនេះ និង សូមជូនពរ ដល់លោក អភិបាល និង ក្រុមការងារ ជួបតែសំណាងល្អ និងទទួលជោគជ័យ គ្រប់ភារកិច្ច ដែល រាជរដ្ឋាភិបាលប្រគល់ជូន៕
ដោយ៖chhorn seiha
ចំនួនអ្នកទស្សនា
- ថ្ងៃនេះ6541
- ម្សិលមិញ7271
- សប្តាហ៍នេះ26011
- ខែនេះ13821
- ឆ្នាំនេះ997041
- សរុប20224487