ក្រុមការងារមូលនិធិគាំទ្រកុមារបានចុះសាកសួរសុខទុក្ខ ចំពោះស្ត្រីមេម៉ាយមានរបរឡើងត្នោត
21-March-2016 | ដោយ មែន កំសត់
កំពង់ឆ្នាំង ៖ នៅថ្ងៃទី២០ ខែមិនា ឆ្នាំ២០១៦ លោក ហ៊ាប សេរីវុធ (ម៉ាស៊ីស) ប្រធានក្រុមការងារមូលនិធិគាំទ្រកុមារបានចុះសាកសួរសុខទុក្ខ ចំពោះស្ត្រីមេម៉ាយឡើងត្នោតឈ្មោះញ៉ឹក ចំរើន រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង និងកំពុង ចិញ្ចឹមកូនតូចៗ។
ក្នុងការសួរសុខទុក្ខនេះមានការចូលរួមពី លោកកែវ សុភារី តំណាងយុវជន លោកឡុក សំរិត និង អាជ្ញាធរឃុំ ភូមិផងដែរ។
លោក ហ៊ាប សេរីវុធ (ម៉ាស៊ីស) ប្រធានក្រុមការងារមូលនិធិគាំទ្រកុមារបានមានមតិលើកឡើងថា៖ដោយរូបលោកគ៏ធ្លាប់ជាកូនកសិករក្រីក្រមួយរូប ដែលរស់នៅជាមួយឪពុក ម្ដាយក្រីក្រ រកប្រាក់១ថ្ងៃសម្រាប់ដោះស្រាយ១ថ្ងៃ ហើយដោយសារការខិតខំប្រឹងប្រែង និង តស៊ូអត់ធ្មត់ទើបរូបលោកបានក្លាយជា បុគ្គលិកនៅក្នុងមូលនិធិគាំទ្រកុមារនេះ។
លោកក៏បានបញ្ជាក់ដែរថាលោកឃើញអ្នកមីងគាត់រកស៊ីឡើងត្នោតចិញ្ចឹមកូនតូចៗនេះលោកមានការអាណិតអាសូរយ៉ាងខ្លាំងទើបលោកស្នើសុំថវិកាពីសប្បុរសជនដើម្បីរួបរួមគ្នាជួយដោះស្រាយសម្រាលទុក្ខលំបាក ថវិកាសំភារៈពីសប្បុរសជនមានចំនួន៩៥០ ដុល្លា និងអង្ករ១០០គីឡូ មី៨កេស ទឹកក្រូច២កេស ពូកមួយ ធុងដាក់ទឹក១ ភួយ២ អាវកូនក្មេង សាច់ក្រក ៥គីឡូ និងសំភារ:ជាច្រើនទៀតបានប្រគល់ជូនស្ត្រីមេម៉ាយឡើងត្នោតឈ្មោះញ៉ឹក ចំរើន រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ទៀតផងដែរ៕
ចំនួនអ្នកទស្សនា
- ថ្ងៃនេះ6401
- ម្សិលមិញ7271
- សប្តាហ៍នេះ25871
- ខែនេះ13681
- ឆ្នាំនេះ996901
- សរុប20224347