សាលារាជធានី ភ្នំពេញ កិច្ចប្រជុំដំបូងនៃការងារចុះបញ្ជីដីធ្លីមានលក្ខណៈជាប្រព័ន្ធ
22-March-2016 | ដោយ មែន កំសត់
ភ្នំពេញ៖ នៅរសៀលថ្ងៃទី២១ខែមីនា ឆ្នាំ២០១៦ម្សិលមិញនៅសាលារាជធានីភ្នំពេញ ឯកឧត្តមប៉ា សុជាតិវង្ស អភិបាលរាជធានីភ្នំពេញនិងជាប្រធានគណៈកម្មការអន្តរក្រសួងបានបើ កិច្ចប្រជុំក្នុងការបង្កើតគណៈកម្មការអន្តរក្រសួងដើម្បីបើកតំបន់ វិនិច្ឆ័យចុះបញ្ជីដីធ្លីមានលក្ខណៈជាប្រព័ន្ឋជូនប្រជាពលរដ្ឋដែល កំពុងរស់នៅតាមសហគមន៏បណ្តោះអាសន្នដែលតាំងទីនៅលើដីឯកជនរបស់រដ្ឋ ក្នុងរាជធានីភ្នំពេញដែលបច្ចុប្បន្នគឺស្ថិតនៅក្នុងការពិនិត្យនិង វាយតម្លៃទៅលើអចលនៈទ្រព្យរបស់រដ្ឋដែលប្រជាពលរដ្ឋអាស្រ័យផល និងប្រើប្រាស់នៅលើដីជាក់ស្តែងហើយកិច្ចប្រជុំលំអិតនិងបច្ចេកទេស នឹងធ្វើនៅក្នុងដំណាក់ក្រោយៗទៀត។
គួរបញ្ជាក់ថាកាលពីពេលើ ថ្មីៗនេះរាជរដ្ឋាភិបាលបានចេញសេចក្តីសំរេចស្តីពីការបង្កើតគណៈកម្មការ អន្តរក្រសួងដើម្បីបើកតំបន់វិនិច្ឆ័យចុះបញ្ជីដីធ្លីមានលក្ខណៈជា ប្រព័ន្ធជូនប្រជាពលរដ្ឋដែលកំពុងរស់នៅតាមសហគមន៏បណ្តោះអាសន្នដែល តាំងទីលំនៅលើដីឯកជនរបស់រដ្ឋក្នុងរាជធានីភ្នំពេញដែលមានសមាសភាព ថ្នាក់ដឹកនាំចំនួន១៦រូបក្នុងនោះមាន ឯកឧត្តមប៉ា សុជាតិវង្ស ជាប្រធាន ឯកឧត្តម ស៊ូ ភិរិន្ទ រដ្ឋលេខាធិការទីស្ដីការគណៈរដ្ឋមន្ត្រីជាសមាជិក ឯកឧត្តមនាយឧត្ដមសេនីយ៍ ម៉ឺង សំផន រដ្ឋលេខាធិការក្រសួងការពារជាតិ ឯកឧត្តម សរ សុវណ្ណ រដ្ឋលេខាធិការក្រសួងរៀបចំដែនដីនគររូបនីកម្មនិងសំណង់។ល។
ក្នុងកិច្ចប្រជុំលើកដំបូងនេះឯកឧត្តមប៉ា សុជាតិវង្សមានប្រសាសន៏ថាៈជាគោលការណ៏របស់រាជរដ្ឋាភិបាលក្នុង ឆ្នាំនេះគឺត្រូវដោះស្រាយសំអាតឲ្យបានរួចរាល់លើដី៣ប្រភេទគឺទី១៖ ដីសារពើភណ្ឌរបស់រដ្ឋដែលប្រជាពលរដ្ឋកំពុងរស់នៅ,ទី២៖ដីសាធារណៈ របស់រដ្ឋដែលប្រជាពលរដ្ឋរស់នៅ,និងទី៣៖ដីទំនាស់រ៉ារ៉ៃ ដែលទំនាស់ ខ្លះដោះស្រាយជាង២០ឆ្នាំហើយមិនទាន់ដាច់ស្រេច៕
ចំនួនអ្នកទស្សនា
- ថ្ងៃនេះ6291
- ម្សិលមិញ7271
- សប្តាហ៍នេះ25761
- ខែនេះ13571
- ឆ្នាំនេះ996791
- សរុប20224237