​ព្រៃវែង ៖  នៅ​ថ្ងៃទី​២៣ ខែមីនា ឆ្នាំ​២០១៦ ឯកឧត្តម ជា សុ​មេធី អភិបាល​នៃ​គណៈ​អភិបាល ខេត្តព្រៃវែង និង​មន្ទីរជំនាញ​បាន​ចុះ​ដោះស្រាយ និង​លុបចោល នូវ​អាជីវកម្ម​កំពង់ចម្លង​ព្រែក​ច្រេស ដែលជា​សំណូមពរ​របស់​ប្រជាពលរដ្ឋ នៅ​ភូមិ​កំពង់​ឬ​ស្សី  ឃុំ​កំពង់​ឬ​ស្សី  ស្រុក​ពោធិ៍​រៀង ខេត្តព្រៃវែង​។​

​ក្នុង​ការចុះ​ត្រួតពិនិត្យ​នេះ​មាន​វត្តមាន ពី  អភិបាលរង​ខេត្ត  ក្រុមការងារ មន្ទីរ​នានា​ក្នុង ខេត្ត លោក អភិបាលស្រុក ក្រុមការងារ សាលាស្រុក និង​លោក លោកស្រី​ជា​គណៈកម្មការ​ផាស៊ី ស្រុក អាជ្ញាធរ សមត្ថកិច្ច កងកម្លាំង ប្រដាប់អាវុធ ផងដែរ​។​


​មានមតិ​ទៅកាន់​ប្រជាពលរដ្ឋ​នាឱកាស​នោះ ឯកឧត្តម ជា សុ​មេធី អភិបាល​នៃ​គណៈ​អភិបាល ខេត្តព្រៃវែង បាន​លើកឡើងថា ៖ ដើម្បី​បព្ចាប់ ជំលោះ​រវាង​ម្ចាស់​កំពង់ដរ និង ប្រជាពលរដ្ឋ​ហើយ ចូលរួម​កាត់បន្ថយ​សេវា​ផ្សេង រាល់​ការចំណាយ របស់​ប្រជាពលរដ្ឋ អាជ្ញាធរខេត្ត​បានសម្រេច​លុបចោល​នូវ​អាជីវកម្ម​កំពង់ចម្លង ព្រែក​ច្រេស ដែលជា សំណូមពរ របស់​ប្រជាពលរដ្ឋ នៅ​ភូមិ​កំពង់​ឬ​ស្សី  ឃុំ​កំពង់​ឬ​ស្សី  ស្រុក​ពោធិ៍​រៀង ខេត្តព្រៃវែង ចាប់ពីពេលនេះ​តទៅ​។

​បន្ទាប់មក​ក្រុមការងារ​ខេត្ត​បាន ចុះ​សិក្សា​គំរោង​សាងសង់​ផ្លូវ​ច្រេស​ជូន​ប្រជាពលរដ្ឋ​សម្រាប់​ចរាចរណ៍  នៅពេល​ខាងមុខ  ហើយ ឆ្លៀត​ពេលនោះ ឯកឧត្តម បាន ឧបត្ថម្ភ ដល់​គ្រួសារ​ដែលមាន​ជីវភាព ក្រីក្រ លំបាក​ខ្លាំង ចំនួន​៥​គ្រួសារ មាន អង្ករ មី ទឹកត្រី និង ថវិការ​មួយចំនួន​ផងដែរ​៕
​