លោក ឃ្លាំង ហួត នាំអំណោយរបស់ សម្តេចកិត្តិព្រឹទ្ធបណ្ឌិត ចែកជូនប្រជាពលរដ្ឋ៣៥គ្រួសារ នៅសង្កាត់ជ្រោយចង្វារ
24-March-2016 | ដោយ មែន កំសត់
ភ្នំពេញ៖ លោក ឃ្លាំង ហួត អភិបាលខណ្ឌជ្រោយចង្វារ និងជាប្រធានកិត្តយស អនុសាខាកាកបាទក្រហមកម្ពុជាខណ្ឌ និងលោកស្រី នៅព្រឹកថ្ងៃទី២៤ ខែមីនា ឆ្នាំ២០១៦នេះ បានដឹកនាំមន្ត្រីសាលាខណ្ឌជ្រោយចង្វារ យកអំណោយទៅចែកជូនប្រជាពលរដ្ឋ ចំនួន៣៥គ្រួសារ ដែលមានជីវភាពខ្វះខាត ស្ថិតនៅសង្កាត់ជ្រោយចង្វារ ដើម្បីជួយកាត់បន្ថយការលំបាក របស់ពួកគាត់បាន មួយកម្រិតទៀត។
ពិធីនេះមានការចូលរួមពីលោកលោកស្រីជាសាខាកាកបាទក្រហមខណ្ឌ សសយក ក្រុមប្រឹក្សា សង្កាត់ យុវជន និងមេភូមិ។
នាឱកាសនោះលោក ឃ្លាំង ហួត បានមានមតិទៅប្រជាពលរដ្ឋទាំងអស់ថា អំណោយទាំងនេះ បានមកពីការឧបត្ថម្ភជូនពីសម្តេចតេជោហ៊ុនសែននាយករដ្ឋមន្ត្រីនៃកម្ពុជានិងសម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលលោកទាំង២ តែងតែគិតគូពីសុខទុក្ខ របស់រាស្ត្រគ្រប់ពេលវេលា និងគ្រប់ទីកន្លែង នៅពេលដែលជួបការលំបាក និងមានគ្រោះថ្នាក់អ្វីមួយកើតឡើង។
អំណោយដែលត្រូវយកទៅចែកជូនប្រជាពលរដ្ឋទាំង៣៥គ្រួសាររួមមានក្នុង១គ្រួសារទទួលបាន៖ អង្ករ ៣០ គីឡូក្រាម មី ១កេសតូច- ត្រីខ ១០កំប៉ុង ឃីត ១កញ្ចប់(មានម៉ុង១ ភួយ១ សារុង១ ក្រម៉ា១)- ថវិកា ៥ម៉ឺនរៀល ។
បើតាមការបញ្ជា លោក ឃ្លាំង ហួត សម្រាប់ខណ្ឌជ្រោយចង្វារបានទទួលអំណោយរបស់សម្ដេចកិត្តិព្រឹទ្ធបណ្ឌិត សរុបចំនួន៨០០គ្រួសារបន្ថែមទៀត។
ប្រជាពលរដ្ឋ បានសម្ដែងនូវការកោតសរសើរ ចំពោះ លោក ឃ្លាំង ហួត និងគោរពការស្រឡាញ់ និងការពាររាស្ត្រ ស្លូតត្រង់នៅក្នុងដែនដីខណ្ឌរបស់ខ្លួននោះ ហើយប្រជាពលរដ្ឋ បានថ្លែងថា៖ ក្នុងនាមប្រជាជនខណ្ឌជ្រោយចង្វារ ទាំងអស់សូមគោរពថ្លែងអំណរគុណសម្ដេចកិត្តិព្រឹទ្ធបណ្ឌិត ដែលតែងតែផ្ដល់ជំនួយ ជូនដល់ប្រជាជន ទីទលក្រក្នុងខណ្ឌ ដែលកាយវិការ និងទង្វើទាំងនេះ ប្រជាជនទាំងអស់នឹងចងចាំរហូត៕
ចំនួនអ្នកទស្សនា
- ថ្ងៃនេះ5631
- ម្សិលមិញ7271
- សប្តាហ៍នេះ25101
- ខែនេះ12911
- ឆ្នាំនេះ996131
- សរុប20223577