លោក លី សាវេត បើកកិច្ចប្រជុំគណៈបញ្ជាការឯកភាពរដ្ឋបាលខណ្ឌសែនសុខ
25-March-2016 | ដោយ មែន កំសត់
ភ្នំពេញ៖ នៅព្រឹកថ្ងៃទី២៥ខែមីនាឆ្នាំ២០១៦រដ្ឋបាលខណ្ឌសែនសុខបានបើកកិច្ចប្រជុំគណៈបញ្ជាការឯកភាពរដ្ឋបាលខណ្ឌដោយលើកយកបញ្ហាមួយចំនួនពាក់ព័ន្ធនឹងការរក្សាការពារសន្តិសុខសុវត្ថិភាពជូនប្រជាពលរដ្ឋក្នុងឱកាសបុណ្យចូលឆ្នាំប្រពៃណីខ្មែរខាងមុខបញ្ហាសណ្តាប់ធ្នាប់និងអនាម័យសាធារណៈនិងដោះស្រាយបញ្ហាប្រឈមផ្សេងៗដែលកើតមានក្នុងមូលដ្ឋានខណ្ឌ ក្រោមអធិបតីភាពលោក លី សាវេត អភិបាលខណ្ឌសែនសុខ ។
កិច្ចប្រជុំនេះមានវត្តមាន អញ្ជើញចូលរួមពីសមាជិក សមាជិកាគណៈបញ្ជាការឯកភាព ខណ្ឌ សង្កាត់ អធិការ អាវុធ ហត្ថ ខណ្ឌ ប្រជាការពារ និង ប្រធានសណ្ដាប់ធ្នាប់ ប្រធានផ្សារ សរុប ៣១នាក់ផងដែរ។
មានមតិទៅកាន់អង្គប្រជុំ ក្នុងឱកាសនោះ ដែរ លោក លី សាវេត អភិបាលខណ្ឌសែនសុខ បានជម្រុញឲ្យសមត្ថកិច្ចចូលរួមលើកការងារសន្តិសុខសណ្ដាប់ធ្នាប់ ឲ្យបានល្អប្រសើរពិសេសនៅក្នុងពេលពិធីបុណ្យចូលឆ្នាំខាងមុខនេះ ដើម្បីបង្កាទប់ស្កាត់បទល្មើសមិនឲ្យកើតមាន សាលាខណ្ឌនឹងរៀបចំឲ្យមានគណៈក្រុមការងារចូលរួមជាមួយនគរបាលមាន ក្រុមប្រឹក្សា សង្កាត់ មេភូមិ ប្រជាការពារ នៅតាមគោលដៅដែលបានកំណត់៕ដោយ៖សីហា
ចំនួនអ្នកទស្សនា
- ថ្ងៃនេះ5911
- ម្សិលមិញ7271
- សប្តាហ៍នេះ25381
- ខែនេះ13191
- ឆ្នាំនេះ996411
- សរុប20223857