អាជ្ញាធរសង្កាត់ព្រែកលៀប ចូលរួមរំលែកមរណទុក្ខគ្រួសារសពកុមារា អែល ភក្តី ដែលទទួលមរណភាពដោយសារលង់ទឹកទន្លេ
25-March-2016 | ដោយ មែន កំសត់
ភ្នំពេញ ៖ នារសៀល ថ្ងៃទី២៤ ខែមីនា ឆ្នាំ២០១៦នេះ អាជ្ញាធរសង្កាត់ព្រែកលៀប និងភូមិ ដឹកនាំដោយ លោកស្រី ឈ្នាង ផាន់ណារី សមាជិកក្រុមប្រឹក្សាសង្កាត់ តំណាងលោក ព្រាប មុនី ចៅសង្កាត់ព្រែកលៀប បានអញ្ជើញចូលរួមរំលែកមរណទុក្ខគ្រួសារសពកុមារា អែល ភក្តី អាយុ ១៤ឆ្នាំ រស់នៅក្នុងភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ ដែលបានទទួលមរណភាពកាលពីថ្ងៃទី២៣ ខែមីនា ឆ្នាំ២០១៦ ដោយសារលង់ទឹកទន្លេ នៅវត្តបាក់ខែង។
ទន្ទឹមនឹងការចូលរួមរំលែកទុក្ខនេះ អាជ្ញាធរសង្កាត់ក៏បាននាំយកនូវអង្ករ ២០គ.ក្រ និងថវិកា ១៧០,០០០រៀល និង ២០ដុល្លារ ចួលរួមបុណ្យសពផងដែរ ក្នុងនោះ លោកស្រី កែវ ច័ន្ទស៊ុនណារី អភិបាលរងខណ្ឌជ្រោយចង្វារ អង្ករ ២០គ.ក្រ និងថវិកាចំនួន ៥០,០០០រៀល, លោក ព្រាប មុនី ចៅសង្កាត់ ថវិកាចំនួន ៥០,០០០រៀល និង ២០ដុល្លារ, លោកស្រី ឈ្នាង ផាន់ណារី សមាជិកក្រុមប្រឹក្សាសង្កាត់ ថវិកាចំនួន ២០,០០០រៀល និងលោកស្រី យិន ឡាង មេភូមិខ្ទរ ថវិកាចំនួន ៥០,០០០រៀល។
ជាមួយគ្នានោះដែរ អាជ្ញាធរសង្កាត់ក៏បានធ្វើសំបុត្រមរណភាពជូនដល់គ្រួសារសព ដើម្បីយកទៅប្រើប្រាស់នាឱកាសនោះផងដែរ៕
ចំនួនអ្នកទស្សនា
- ថ្ងៃនេះ5791
- ម្សិលមិញ7271
- សប្តាហ៍នេះ25261
- ខែនេះ13071
- ឆ្នាំនេះ996291
- សរុប20223737