ប្រធានមន្ទីរផែនការខេត្តកំពង់ស្ពឺរងការចោទប្រកាន់ពីមន្ត្រីថ្នាក់ក្រោម
27-March-2016 | ដោយ មែន កំសត់
កំពង់ស្ពឺ ៖ លិខិតដែលទើបទទួលបានសរសេរថា៖មន្ត្រីជាច្រើននៅមន្ទីរ ផែនការខេត្តកំពង់ស្ពឺ បច្ចុប្បន្នកំពុងតែកើត ការក្តៅក្រហាយនឹងប្រធានមន្ទីររបស់ខ្លួន ដោយមន្ត្រីទាំងនោះបានរិះគន់លោកប្រធានមមន្ទីរឈ្មោះ យ៉ែម ឆន ថាបានប្រព្រឹត្តអំពើពុករលួយ នឹងរំលោភអំណាចដោយគាត់ជាប្រធានមន្ទីរផង ជាគណនេយ្យ បេឡាផង ដើម្បីងាយស្រួល ក្នុងការប្រព្រឹត្តអំពើរពុករលួយ។
តាមប្រភព និយាយទៀតថា លោកប្រធាន យ៉ែម ឆន ដើមឡើយជាប្រធានការិយាល័យរដ្ឋបាល និងហិរញ្ញវត្ថុក្រោយមកបានឡើងជាអនុប្រធានមន្ទីរទទួលបន្ទុកការងារ ហិរញ្ញវត្ថុជិតមួយឆ្នាំក៏ត្រូវបានក្រសួងតែងតាំងជាប្រធានមន្ទីរ ជំនួសលោក ឈឹម សំអាតដែលដល់អាយុចូលនិវត្តន៏នៅថ្ងៃ០១ មេសា ឆ្នាំ២០១៥។ ហើយការតែងតាំងលោក យ៉ែម ឆន នេះបានធ្វើអោយមន្ត្រីជាច្រើននៅក្នុងមន្ទីរសំដែងនូវការមិនពេញចិត្ត ព្រោះនៅមុនពេលតែងតាំងនៅមន្ទីរផែនការខេត្តកំពង់ស្ពឺ បានរៀបចំបោះឆ្នោតស្ទង់មតិសំរាប់ជ្រើសតាំងជាបេក្ខជនប្រធានមន្ទីរ ដោយក្នុងការបោះឆ្នោតនោះមានបេក្ខជនចំនួន០២រូបគឺអនុប្រធាន មន្ទីរ អ៊ុំ ដេត និងលោក យ៉ែម ឆន ជាលទ្ធផលក្នុងការបោះឆ្នោត លោក អ៊ុំ ដេតទទួលបានការគាំទ្រចំនួន១៨សំឡេង ចំណែកលោក យ៉ែម ឆនទទួលបានការគាំទ្រតែ០៧សំឡេងតែប៉ុណ្ណោះ។ ក្រោយ មកគណ:អភិបាលខេត្តនិងក្រុមប្រឹក្សាខេត្តបានដាក់សំណើទៅ ក្រសួងផែនការ នូវបេក្ខជនទាំង០២រូបអោយក្រសួងជាអ្នកជ្រើសរើសប្រធានមន្ទីរ ស្រាប់តែបានមួយរយ:ក្រសួងបានមកប្រកាសតែងតាំងលោក យ៉ែម ឆនអោយធ្វើជាប្រធានមន្ទីរតែម្តង។
តាមប្រភពបានអោយដឹងថា ចាប់តាំងពីរលោក យ៉ែម ឆនទទួលបានការតែងតាំង ជាប្រធានមន្ទីរនៅខែមេសាឆ្នាំ២០១៥មករូបគាត់បានប្រឹងប្រែងកម្ចាត់ មន្ត្រីរសំខាន់ៗជាពិសេសមន្ទីរដែលមានជំនាញកាន់ការងារហិរញ្ញវត្ថុ ក្រវែងចោលនិងច្បាម យកការងារទាំងនេះមកកាន់ដោយខ្លួនឯង បេឡាក៏ខ្លួនឯង គណនេយ្យក៏ខ្លួនឯង ។ ចំពោះការចំណាយថវិកានៅក្នុងមន្ទីរគឺរូបគាត់មិនបានផ្តល់អោយមន្ត្រី ថ្នាក់ក្រោមដឹងសូម្បីតែអនុប្រធានមន្ទីរទាំង០៣រូបក៏គាត់មិនអោយដឹង ដែរពីខ្ទង់ចំណាយទាំងអស់។
តាមមន្ត្រីបានអោយដឹងថា នៅមន្ទីរផែនការខេត្តកំពង់ស្ពឺសព្វថ្ងៃកំពុងតែមានវិវាទ ដោយសារតែលោកប្រធានមន្ទីរមិនគិតពីសុខទុក្ខមន្ត្រីថ្នាក់ក្រោម ធ្វើអ្វីៗគិតតែប្រ យោជន៏ផ្ទាល់ខ្លួន កិបកេងផលប្រយោជន៏មន្ត្រីថ្នាក់ក្រោម នឹងជឿទៅតាមការញុះ ញង់ពីសំណាក់លោកអតីតអនុប្រធានមន្ទីរ សំ លាស់ ទើ់បធ្វើអោយមន្ត្រីទាំងនោះ កើតការក្តៅក្រហាយ។ នៅក្នុងមន្ទីរក៏អំពាវនាវលោកទេសរដ្ឋមន្ត្រី រដ្ឋមន្ត្រីក្រសួង ផែនការចាត់វិធានការលើករណីនេះជាបន្ទាន់។
ពាក់ព័ន្ធនឹង បណ្តឹងនេះ លោកប្រធានមន្ទីរ យ៉ែម ឆន បានឆ្លើយទូរស័ព្ទជាមួយអ្នកកាសែតថា ពិតជាមានវិវាទដូច្នេះមែនតែបានបដិសេធការចោទប្រកាន់ដូច ខាងលើនិងលោកថែមទាំងដឹងផែនការរបស់ក្រុមមនុស្សដែលមិនពេញចិត្តលោក ទៀតផង។លោកអះអាងថា ចំពោះមតិគាំទ្រតិចច្រើនសំរាប់តំណែងនេះលោកមិនដឹងទេ តែលោកធ្វើតាមតែការតែងតាំងនិងការផ្តាំផ្ញើរពីមេចាស់ដែលអោយលោក ឡើងជាប្រធានជំនួស។
យោងតាមការទាក់ទងសាកសួរមន្ត្រីក្នុង មន្ទីរនេះពិតជាអាចបញ្ជាក់ថាមានវិវាទដូច្នេះមែន ដូច្នេះថ្នាក់លើមិនថាខេត្តឬក្រសួងទេគយរមានវិធានការជាបន្ទាន់ ដើម្បីប្រសិទ្ធភាពការងារនិងភាពយុត្តិធម៌ក្នុងមន្ទីរ។នេះជា បទពិសោធន៍មួយ ការតែងតាំងឬតម្លើងឋានៈអ្វីមួយគួរឆ្លងយោបល់មូលដ្ឋានជាជាងពឹងតែ លើការសំរេចធ្លាក់ពីលើមេឃដែលបង្កអោយមានការថ្នាំងថ្នាក់៕
ចំនួនអ្នកទស្សនា
- ថ្ងៃនេះ6381
- ម្សិលមិញ7271
- សប្តាហ៍នេះ25851
- ខែនេះ13661
- ឆ្នាំនេះ996881
- សរុប20224327