​ភ្នំពេញ​៖ នា​ព្រឹក​ថ្ងៃទី​២៥ ខែ​កុ​ម្ភះ ឆ្នាំ​២០១៦  វេលា​ម៉ោង ៨​និង​៣០​នាទី នៅ​សាលប្រជុំ​សាលាខណ្ឌ​ព្រែក​ព្នៅ មាន​បើក​កិច្ចប្រជុំ​សាមញ្ញ​លើក​ទី​២២ របស់​ក្រុមប្រឹក្សា​ខណ្ឌ​ព្រែក​ព្នៅ អាណត្តិ​ទី​២ ក្រោម​អធិបតីភាព​លោក មៅ​  បូរ៉ា ប្រធាន​ក្រុមប្រឹក្សា​ខណ្ឌ​ព្រែក​ព្នៅ និង លោកស្រី សួន ចាន់ណា​រី អភិបាលរងខណ្ឌ តំណាង​លោក សុខ សម្បត្តិ អភិបាល​នៃ​គណៈ​អភិបាលខណ្ឌ ។​


​កិច្ចប្រជុំ​មាន​វត្តមាន​ចូលរួម​ពី លោក​អភិបាលរងខណ្ឌ ព្រមទាំង​មានការ​ចូលរួម​ពី លោក​-​លោកស្រី សមាជិក​ក្រុមប្រឹក្សា​ខណ្ឌ លោកនាយក​-​នាយករង​រដ្ឋបាល លោក​-​លោកស្រី ប្រធាន​-​អនុ​.​កា​រិ​.​ចំណុះ​ជំនាញ​ជុំវិញ​ខណ្ឌ លោក​-​លោកស្រី ចៅសង្កាត់​ទាំង​៥ លោក​អធិការរង​នគរបាល​ខណ្ឌ លោក​មេបញ្ជាការរង​ក​ង​រាជ​អាវុធហត្ថ​ខណ្ឌ និង​មន្ត្រី​សាលាខណ្ឌ ចៅសង្កាត់​សរុប ៣០​នាក់​ផងដែរ ។​


​អង្គប្រជុំ ដំណើរការ តាម​របៀបវារៈ​អង្គប្រជុំ​រួមមាន​៖១- ពិនិត្យ និង​អនុម័ត​សេចក្តីព្រាង​កំណត់ហេតុ​កិច្ចប្រជុំ​សាមញ្ញ​លើក​ទី​២១ អណ​ត្តិ​ទី​២ របស់​ក្រុមប្រឹក្សា​ខណ្ឌ​ព្រែក​ព្នៅ កាលពី​ថ្ងៃទី​២៦ ខែ​កុ​ម្ភះ ឆ្នាំ​២០១៦ ។​/២- ពិនិត្យ និង​អនុម័ត​សេចក្តីព្រាង​របាយការណ៍​ប្រចាំត្រីមាស​ទី​១ ឆ្នាំ​២០១៦ របស់​រដ្ឋបាល​ខណ្ឌ​ព្រែក​ព្នៅ ។​/៣- ការបែងចែក​ប្រាក់រង្វាន់​លើកទឹកចិត្ត​ដែល​បានមកពី​ថវិកា​ច្រកចេញចូល និង បញ្ហា​ផ្សេងៗ​។

​មានមតិ​ក្នុង​កិច្ចប្រជុំ​សាមញ្ញ​លើក​ទី​២២ របស់​ក្រុមប្រឹក្សា​ខណ្ឌ​អាណត្តិ​ទី​២ នាឱកាស​នោះ​លោក មៅ​ បូរ៉ា ប្រធាន​ក្រុមប្រឹក្សា​ខណ្ឌ​ព្រែក​ព្នៅ និង លោកស្រី សួន ចាន់ណា​រី អភិបាលរងខណ្ឌ តំណាង​លោក សុខ សម្បត្តិ អភិបាល​នៃ​គណៈ​អភិបាលខណ្ឌ   បានធ្វើ​ការស្នើ​ដល់​គ្រប់​អង្គភាព​ខណ្ឌ សង្កាត់​ត្រូវ​បន្ត​ការយកចិត្តទុកដាក់​លើ​ការងារ​សន្តិសុខ​សណ្ដាប់ធ្នាប់ សាធារណៈ​ពិសេស​ត្រូវ​រៀបចំ​ក្រុមការងារ​វេន​យាម​នៅតាម​គោលដៅ​ឲ្យ​បាន​គ្រប់ ២៤​ម៉ោង ហើយ​ចូលរួម​ផ្សព្វផ្សាយ ដល់​ប្រជាពលរដ្ឋ​តុបតែង​លំអ គេហដ្ឋាន មាន​ដោត​ទង់ជាតិ​ទង់សាសនា​ដើម្បី​អបអរសាទរ​បុណ្យចូលឆ្នាំថ្មី​នាពេលខាងមុខ ហាម​មិន​ឲ្យ​មាន​លេងល្បែង​ជះ​ទឹក​ដែល​បង្ក​ឲ្យ​បាត់បង់​ប្រពៃណី​និង​ប៉ះពាល់ ដល់​ភព​ថ្លៃថ្នូរ​ដល់​សង្គមជាតិ​៕
 ដោយ​៖​សីហា​

​