គ្រូពេទ្យស្ម័គ្រចិត្ត យុវជនសម្តេចតេជោពិនិត្យ និងព្យាបាលជំងឺ ដោយឥតគិតថ្លៃនៅសង្កាត់ចាក់អង្រែក្រោម
28-March-2016 | ដោយ មែន កំសត់
ភ្នំពេញ៖ នៅភូមិទួលរកា១ សង្កាត់ចាក់អង្រែក្រោម ខណ្ឌមានជ័យ មានរៀបចំពិធីពិនិត្យ និងព្យាបាលជំងឺ ដោយឥតគិតថ្លៃ ជូនចំពោះបងប្អូនកម្មកររោងចក្រ ចាស់ជរា ទូទៅនិងបងប្អូនប្រជាពលរដ្ឋ ដែលរស់នៅសង្កាត់ចាក់អង្រែក្រោម ដោយ សមាគមគ្រូពេទ្យស្ម័គ្រចិត្ត យុវជនសម្តេចតេជោ ។
ពិធីនេះមានការចូលរួមពី លោក អែម សុខលាង ប្រធានក្រុមប្រឹក្សាខណ្ឌមានជ័យ លោក ពេជ្រ កែវមុនី អភិបាលខណ្ឌមានជ័យ លោកចៅសង្កាត់ យុវជនសង្កាត់ សសយក កងកម្លាំងប្រដាប់អាវុធទាំង៣ប្រភេទ មេភូមិ និងប្រជាពលរដ្ឋ ច្រើននាក់ផងដែរ ស្ថិតក្រោមអធិបតីភាពឯកឧត្តម ឃួង ស្រេង អភិបាលរងរាជធានីភ្នំពេញ ។
យោងតាមរបាយការណ៍របស់ លោក ពេជ្រ កែវមុនី អភិបាលខណ្ឌមានជ័យ បានឲ្យដឹងថា៖ទីតាំងព្យាបាលស្ថិតនៅផ្ទះលេខ២៣ (ផ្ទះតាម៉ុង ផ្សារទួលរកា) ច្រកចូលតាមលោកតាម្ចាស់ស្រុក ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ ពីម៉ោង ៧ព្រឹក ដល់ម៉ោង ១២ថ្ងៃត្រង់ ថ្ងៃទី ២៧ ខែមីនា ឆ្នាំ២០១៦ដោយមិនមានបង់កម្រៃសេវាអ្វីឡើយលោកក៏ សូមបងប្អូនប្រជាពលរដ្ឋ ប្រញាប់រួសរាន់ឡើង។
ឆ្លៀតក្នុងឱកាសនេះដែរ ឯកឧត្តម ឃួង ស្រេង អភិបាលរងរាជធានីភ្នំពេញ លោក អែម សុខលាង ប្រធានក្រុមប្រឹក្សាខណ្ឌមានជ័យ និង លោក ពេជ្រ កែវមុនី អភិបាលខណ្ឌមានជ័យ បានអញ្ជើញចុះពិនិត្យ មើលសកម្មភាព ព្យាបាលជំងឺជូនប្រជាពលរដ្ឋ និងសួរសុខទុក្ខ ប្រជាពលរដ្ឋ ក្នុងសង្កាត់ចាក់អង្រែក្រោមដើម្បីដឹងអំពីការប្រកបជីវភាពរបស់ប្រជាពលរដ្ឋនិងតម្រូវការមូលដ្ឋានប្រចាំថ្ងៃផងដែរ៕
អត្ថបទ៖សីហា
ចំនួនអ្នកទស្សនា
- ថ្ងៃនេះ5961
- ម្សិលមិញ7271
- សប្តាហ៍នេះ25431
- ខែនេះ13241
- ឆ្នាំនេះ996461
- សរុប20223907