​ភ្នំពេញ​៖ នៅ​ថ្ងៃទី​២៨ ខែមីនា ឆ្នាំ​២០១៦ វេលា​ម៉ោង ៩​និង ២៥​នាទី​ព្រឹក លោក ព្រុំ សំខាន់ អភិបាល នៃ​គណ​:​អភិបាលខណ្ឌ​ចំការមន បាន​ដឹកនាំ​ក្រុមការងារ​សាលាខណ្ឌ សង្កាត់ និង​ក្រុមហ៊ុន ស៊ីន​ទ្រី​ចុះ​ធ្វើ​អនាម័យ នៅ​ផ្លូវ​៤៨៦ ជាប់​របង​វិទ្យាល័យ​ផ្សារ​ដើមថ្កូវ ស្ថិតក្នុង​សង្កាត់​ផ្សារ​ដើមថ្កូវ ខណ្ឌចំការមន​  រាជធានីភ្នំពេញ។​

ពី​ធី​នេះ​មានការ​ចូលរួម​ពី ក្រុមការងារ​សាលាខណ្ឌ សង្កាត់ មេភូមិ ប្រជា​ការពារ ក្រុមហ៊ុន ស៊ីន​ទ្រី​និង ប្រជាពលរដ្ឋ​ច្រើននាក់ផងដែរ។​

​នាឱកាស​នោះ​លោក ព្រុំ សំខាន់ អភិបាល នៃ​គណ​:​អភិបាលខណ្ឌ​ចំការមន ក៏បាន​ណែនាំ​ប្រជាពលរដ្ឋ​ដែល​បាន​រំលោភ​លើ​ចិញ្ចើមផ្លូវ​អោយ​រុះរើ​យ៉ាក និង​របង​ចេញ ហើយ​បាន​ណែនាំ​បន្ថែម​ដល់​ប្រជាពលរដ្ឋ​មាន​លំនៅដ្ឋាន​តាមផ្លូវ​នេះ​អោយ​ចូលរួម​ថែរក្សា​អនាម័យ​តាម​ផ្ទះ និង​សណ្ដាប់ធ្នាប់ របៀបរៀបរយ​ក្នុង​មូលដ្ឋាន ប្រជាពលរដ្ឋ​បាន​ចូលរួម​សហការ​ដោយ​រីករាយ ៕
​អត្ថបទ​៖​សីហា​












​