លោក ម៉ននី បណ្ឌិត ចូលរួម ក្នុងកម្មវិធី សម្ពោធសមាគមន៍រោងម៉ាស៊ីនកិនស្រូវនៅឃុំ រំលេច
31-March-2016 | ដោយ មែន កំសត់
ព្រៃវែង ៖ នារសៀល ថ្ងៃទី៣០ខែមិនាឆ្នាំ២០១៦ លោក ម៉ននី បណ្ឌិត អភិបាលស្រុកស៊ីធរកណ្តាល បានចូលរួមជាអធិបតីក្នុងកម្មវិធី សម្ពោធសមាគមន៍រោងម៉ាស៊ីនកិនស្រូវ ដែលមានសហគមន៍ចំនួន២២ បានចូលរួមសហការគ្នាជាមួយ រោងម៉ាស៊ីនកិនស្រូវនេះ ស្ថិតនៅឃុំរំលេច ស្រុកស៊ីធរកណ្ដាល ខេត្តព្រៃវែង។
កិច្ចប្រជុំសមាសភាពចូលរួមពី លោក តំណាងមន្ទីរកសិកម្មខេត្ត ប្រធានការិយាល័យកសិកម្ម មេឃុំរំលេច ប្រធានសហគមន៍ទាំង២២ និងប្រជាជន សរុបប្រមាណ ជាង១០០នាក់។
នាឱកាសនោះ លោក ម៉ននី បណ្ឌិត អភិបាលស្រុកស៊ីធរកណ្តាលបានសំណេះសំណាលទៅកាន់បងប្អូន និងអ្នកចូលរួមប្រកបដោយភាពស្និទ្ធស្នាលបំផុត លោកក៏បានថ្លែងអំណរគុណចំពោះរោងម៉ាស៊ីនកិនស្រូវដែលបានចូលរួមសហការគ្នាជាមួយ សហគមន៍ចំនួន២២លើការងារបានល្អប្រសើរ អនុវត្តន៍តាមបច្ចេកទេសក្បួនខ្នាតត្រឹមត្រូវរបស់មន្ទីរកសិកម្មខេត្ត រួមទាំងមានម៉ាស៊ីនមួយគ្រឿងដែលអាចកិនស្រូវបាន ១ម៉ោង ៨០០គីឡូក្រោម ហើយក្នុងឆ្នាំ២០១៥ កន្លងទៅរោងម៉ាស៊ីនកិនស្រូវនេះកិនស្រូវបានប្រមាណ៥៦,៥៣៨ តោន ក្នុង១ឆ្នាំ លទ្ធផលទាំងនេះសបញ្ជាក់ថា៖ស្នាដៃប្រជាកសិករយើងមានការអភិវឌ្ឍ លើបញ្ហាស្បៀង សម្រាប់ ផ្ទុក និងលក់ជូនផ្គត់ផ្គង់ជីវភាពរបស់ប្រជាពលរដ្ឋ ក្នុងស្រុក បានល្អប្រសើរ នឹងអាចនាំចេញទៅក្រៅប្រទេសបានទៀតផង លទ្ធផលទាងអស់នេះ ដោយសារការដឹកនាំដ៏ឈ្លាសវៃ របស់រាជរដ្ឋាភិបាលបច្ចុប្បន្ន ដែលបានធ្វើ ប្រទេសជាតិ មានសុខសន្តិភាព ស្ថេរភាពនយោបាយប្រជាពលរដ្ឋ មានជីវភាពធូធារ ចេះប្រើប្រាស់ប្រព័ន្ធ បច្ចេកវិទ្យាទំនើប មិនបុរាណនិយម ដូចសម័យមុន ។
លោកអភិបាលក៏បានសម្ដែងនូវការកោតសរសើរសម្រាប់គំនិតច្នៃបង្កើតល្អៗរបស់ប្រជាកសិករ សមាគមន៍ និងសហការជាមួយមន្ទីរជំនាញ ហើយវាក៏ជា មោទនភាពមួយសម្រប់ ស្រុក ស៊ីធរកណ្ដាល ដែលមានសមាគមន៍ម៉ាស៊ីនកិនស្រូវ ប្រកបដោយបច្ចេកវិទ្យា លឿនទាន់ចិត្ត សម្រាប់ បម្រើសេវា អតិថិជន និងប្រជាពលរដ្ឋក្នុងស្រុក ប្រកបដោយប្រសិទ្ធភាពខ្ពស់៕
ចំនួនអ្នកទស្សនា
- ថ្ងៃនេះ4951
- ម្សិលមិញ7271
- សប្តាហ៍នេះ24421
- ខែនេះ12231
- ឆ្នាំនេះ995451
- សរុប20222897