លោក ហេង ហ៊ុនរៀបចំកិច្ចប្រជុំសាមញ្ញលើកទី២៣អាណត្តិទី២របស់ក្រុមប្រឹក្សាស្រុកកោះសូទិន
06-April-2016 | ដោយ មែន កំសត់
កំពង់ចាម ៖ នៅព្រឹក ថ្ងៃទី៦ ខែមេសា ឆ្នាំ២០១៦រដ្ឋបាលស្រុកកោះសូទិន រៀបចំកិច្ចប្រជុំសាមញ្ញលើកទី២៣អាណត្តិទី២របស់ក្រុមប្រឹក្សាស្រុកក្រោមអធិបតីភាព លោក ហេង ហ៊ុន ប្រធានក្រុមប្រឹក្សាស្រុក ។
កិច្ចប្រជុំ សមាសភាពចូលរួមសមាជិកក្រុមប្រឹក្សាស្រុក គណៈអភិបាលស្រុក កងកម្លាំងទាំង៣ ប្រធាន អនុប្រធានការិយាល័យ ក្រុមប្រឹក្សាឃុំ ទីប្រឹក្សាស្រុក នាយករដ្ឋបាល និងការិយាល័យ អង្គភាពចំណុះសាលាស្រុក ផងដែរ។
កិច្ចប្រជុំ ដំណើរការដោយរលូនតាម របៀបវារៈ មានដូច ជា៖- ឆ្លង និង អនុម័តសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី២២ របស់ក្រុមប្រឹក្សា ស្រុកអាណត្តិទី២ -ពិនិត្យ និង អនុម័តសេចក្តីព្រាងរបាយការណ៍បូកសរុបលទ្ធផលការងារប្រចាំខែ មីនា ឆ្នាំ២០១៦ របស់រដ្ឋបាលនិងបញ្ហា បញ្ហាផ្សេងៗផងដែរ។
បន្ទាប់ពី ស្ដាប់ របាយការណ៍របស់ រដ្ឋបាលសាលាស្រុកបានលើកឡើងអំពីសកម្មភាពរយៈពេល១ខែ និង បញ្ហាប្រឈម តម្រូវការរបស់ មូលដ្ឋានរួចមក នាឱកាសនោះលោក ហេង ហ៊ុន ប្រធានក្រុមប្រឹក្សាស្រុក បានមានមតិបញ្ជាក់និងសំណេះសំណាលទៅកាន់សមាជិក សមាជិកាដែលបានចូលរួមប្រកបដោយភាពកក់ក្ដៅ ព្រមទាំងបានស្នើដល់ថ្នាក់ស្រុក ឃុំ ភូមិ ប៉ុស្តិ៍នគរបាលរដ្ឋបាលត្រូវបន្តការយកចិត្តទុកដាក់លើការអនុវត្តន៍ គោលនយោបាយភូមិសង្កាត់មានសុវត្ថិភាព ការដោះស្រាយសំណូមពរ បម្រើសេវាសាធារណៈលើលិខិតស្នាម ឯកសាររដ្ឋបាលនានាមានអត្រានុកូលដ្ឋាន សៀវភៅគ្រួសារ អត្តសញ្ញាណប័ណ្ណ ជូនប្រជាពលរដ្ឋឲ្យបានល្អប្រសើរ តាមកម្រៃសេវារបស់ថ្នាក់ក្រោមជាតិ បើមានសកម្មភាពមិនប្រក្រតី ភាពអសកម្មលើចំណុចណាមួយជាមួយប្រជាពលរដ្ឋត្រូវរួសរាន់កែតម្រូវ ធ្វើជាមន្ត្រីដឹងសុខទុក្ខពលរដ្ឋ ដើម្បីឲ្យស្របតាមនយោបាយរបស់រាជរដ្ឋាភិបាល ឲ្យបានក្លាយជាប្រព័ន្ធរដ្ឋបាលស៊ីជម្រៅ និងចូលរួមការកាត់បន្ថយភាពក្រីក្រនៅមូលដ្ឋាន។
ហើយលោកប្រធានក៏បានស្នើដល់ ឃុំ ត្រូវ យកចិត្តទុកដាក់លើការងារសន្តិសុខសណ្ដាប់ធ្នាប់ឲ្យបានល្អប្រសើរនាឱកាសបុណ្យចូលឆ្នាំថ្មីនេះនិង មានផែនការសកម្មភាពចុះពិនិត្យតាមដានការងារប្រកបដោយប្រសិទ្ធភាពខ្ពស់ និងដោះស្រាយរាល់បញ្ហាប្រឈមឲ្យបានទាន់ពេលវេលាដើម្បីសុវត្ថិភាពនៅ មូលដ្ឋាន៕
ចំនួនអ្នកទស្សនា
- ថ្ងៃនេះ4641
- ម្សិលមិញ7271
- សប្តាហ៍នេះ24111
- ខែនេះ11921
- ឆ្នាំនេះ995141
- សរុប20222587