លោក ម៉ននី បណ្ឌិត រៀបចំពិធីបង្សុកូល សូត្រមន្តលើករាសីទទួលពរជ័យ ពីទេវតាឆ្នាំថ្មី
09-April-2016 | ដោយ មែន កំសត់
ព្រៃវែង ៖ នាសៀលថ្ងៃទី ០៧ មេសា ២០១៦.ក្រោមការផ្តួចផ្តើម របស់លោក ម៉ននី បណ្ឌិត អភិបាលនៃអគៈអភិបាលស្រុកស៊ីធរកណ្ដាល អភិបាលរងស្រុក និងមន្ត្រីរដ្ឋបាលស្រុកទាំងអស់ បានរៀបចំពិធីបង្សុកូល សូត្រមន្តលើករាសី និងស្រោចទឹកបណ្តោះគ្រោះ ដើម្បីបណ្តេញ ឧបទ្រពចង្រៃដែលកើតមាននៅក្នុងឆ្នាំចាស់ឱ្យរលាយសាបសូន្យ និង ត្រៀមទទួលពរជ័យ ពីទេវតាឆ្នាំថ្មី ឆ្នាំវក អដ្ឋស័ក ពុទ្ធសករាជ ២៥៦០ ដែលនឹងយាងមក ថែរក្សាប្រជាពលរដ្ឋខ្មែរនាប៉ុន្មានថ្ងៃខាងមុខនេះ បន្ទាប់ពី ពិធីសូត្រមន្ត បង្សុកូលត្រូវបានបញ្ចប់ ក៏មានរៀបចំពិធីជប់លៀង ហូបអាហារសាមគ្គី និង រាំកំសាន្តផងដែរ។
ក្នុងនាមរដ្ឋបាលស្រុកស៊ីធរកណ្ដាល សូមគោរពថ្លែងអំណរគុណចំពោះ លោកអភិបាល និងអភិបាលរងទាំងពីរ ដែលតែងតែយកចិត្តទុកដាក់ចំពោះបុគ្គលិកក្រោមឱវាទ និងតែងតែដឹកនាំ និង ចូលរួមយ៉ាងសកម្ម ទាំង ការងារផ្នែកពុទ្ធចក្រ ទាំងការងារផ្នែកអាណាចក្រ សូមគោរពជូនពរ លោកអភិបាល និងអភិបាលរងទាំងពីរ ព្រមទាំងក្រុមគ្រួសារ ឱ្យមានតែសេចក្តីសុខ មានសុខភាពល្អ និងជួបប្រទះនូវពុទ្ធពរទាំងបួនប្រការ គឺ អាយុ វណ្ណៈ សុខៈ និង ពលៈ កុំបីឃ្លៀងឃ្លាតឡើយ៕
ចំនួនអ្នកទស្សនា
- ថ្ងៃនេះ4561
- ម្សិលមិញ7271
- សប្តាហ៍នេះ24031
- ខែនេះ11841
- ឆ្នាំនេះ995061
- សរុប20222507