លោកស្រី សួន ចាន់ណារី បាននាំយកអំណោយ ចែកជូនដល់ប្រជាពលរដ្ឋក្រីក្រចំនួន ១៥ គ្រួសារ ក្នុងសង្កាត់សំរោង
10-April-2016 | ដោយ មែន កំសត់
ភ្នំពេញ ៖ នៅរសៀលថ្ងៃទី ០៨ ខែមេសា ឆ្នាំ២០១៦ សាលាខណ្ឌព្រែកព្នៅ សហការជាមួយ ស.ស.យ.ក ខណ្ឌព្រែកព្នៅ ដឹកនាំដោយ លោកស្រី សួន ចាន់ណារី បាននាំយកអំណោយរបស់ ឯកឧត្តម សាយ សំអាល់ ប្រធានស.ស.យ.ក រាជធានីភ្នំពេញ ចុះចែកជូនដល់ប្រជាពលរដ្ឋក្រីក្រចំនួន ១៥ គ្រួសារ ក្នុងសង្កាត់សំរោង។
ពិធិនេះក៏មានការចូលរួមពី លោក ហួត លាភពិសិដ្ឋ អភិបាលរងខណ្ឌព្រែកព្នៅ លោក លោកស្រី ជាសមាជិកក្រុមប្រឹក្សាសង្កាត់ យុវជន សសយក មេភូមិ និងមន្ត្រីសាលាខណ្ឌជាច្រើន នាក់ ផងដែរ ។ នាឱកាស នោះលោកស្រី សួន ចាន់ណារី អភិបាលរង ខណ្ឌព្រែកព្នៅ បានមានមតិសំណេះសំណាលទៅកាន់ ប្រជាពលរដ្ឋ ប្រកបដោយ ភាពកក់ក្ដៅ និង រីករាយ ស្និទ្ធស្នាលបំផុត ព្រមទាំងបានពាំនាំនូវការសាកសួរសុខទុក្ខ ពី សំណាក់ ឯកឧត្តម សាយ សំអាល់ ប្រធាន សសយក រាជធានី ភ្នំពេញ ដែលឯកឧត្តម បានជួយចូលរួម ក្នុងសកម្មភាព មនុស្សធម៌ ប្រកបដោយ សុទ្ធាជ្រះថ្លា លោកស្រីអភិបាលរង ក៏បាន បញ្ជាក់ផងដែរថា៖ ទោះបី ជាថវិកា និងសម្ភារៈនេះវាបន្តិចបន្តួច ក៏ដោយតែវាអាចសម្រាលដោះស្រាយជីវភាពបានមួយកម្រិត។
លើសពីនោះទៅទៀត លោកស្រីអភិបាលរង និងក្រុមការងារ ក៏បានចែកសម្ភារៈនិង ថវិកាជូនគ្រួសារក្រីក្រចំនួន១៥គ្រួសារ ដោយក្នុង១គ្រួសារ ទទួលបានអង្ករ ២០គីឡូក្រាម ទឹកស៊ី អ៊ីវ ៣ដប ទឹកត្រី៣ដប និង ថវិកា២ម៉ឺនរៀលទៀតផង ៕
ចំនួនអ្នកទស្សនា
- ថ្ងៃនេះ4291
- ម្សិលមិញ7271
- សប្តាហ៍នេះ23761
- ខែនេះ11571
- ឆ្នាំនេះ994791
- សរុប20222237